आप्रवासनलाई कडाई गर्ने क्रममा अमेरिकी रिपब्लिकन सिनेटर बर्नी मोरेनोले अमेरिकी नागरिकता लिएकाहरुले दोहोरो नागरिकता लिन नपाउने प्रस्ताव समेटिएको विधेयक संसदमा पेश गरेका छन । नागरिकता सम्बन्धी ऐन संशोधन गर्न बिधेयकमा अमेरिकी नागरिकले दोहोरो नागरिकता राख्न पाउने कानुनलाई परिवर्तन गर्नै प्रस्ताव गरिएको छ । सिनेटर मोरेनोको विशेष नागरिकता ऐन २०२५ ले व्यक्तिहरूलाई आफ्नो दोहोरो नागरिकता त्याग्न बाध्य पार्ने बताएका छन् । दोहोरो नागरिकताले राष्ट्रिय अखण्डता जोगाउनका लागि र संयुक्त राज्य अमेरिकाप्रतिको निष्ठा अविभाजित हुनका लागि बिधेयक भनिएको छ ।
हालको कानूनले अमेरिकाका नागरिकहरूलाई विदेशी नागरिकता कायम राख्न अनुमति दिएको छ । यो बिधेयक पारित भएमा लागु भएको १ बर्षभित्रै विदेशी नागरिकता भएका अमेरिकाका नागरिकले विदेशमन्त्री वा होमल्याण्ड सेक्रेटरीलाई आफ्नो नागरिकता त्याग गरेको जानकारी बुझाउनु पर्ने प्रस्तावित बिधेयकमा उल्लेख छ ।
स्मरणीय रहोस यस अघि एक महिना अघि कंग्रेसम्यान र्यान्डी फाइनले हालै डिस्क्वालिफाइङ डुअल लोयल्टी एक्ट प्रस्तुत गर्दै विदेशी नागरिकता राख्ने व्यक्तिहरूलाई अमेरिकाको कङ्ग्रेसमा सेवा गर्न प्रतिबन्ध लगाउन माग गरेका थिए । अमेरिकी कानुनले अर्को देशको नागरिक भए पनि कँग्रैसमा चुनाव लड्न पाउने कानुनी व्यवस्था छ । त्यस विधेयकअनुसार, अमेरिकी प्रतिनिधि सभा वा अमेरिकी सिनेटका कुनै पनि उम्मेदवारले निर्वाचित हुनुअघि आफूले राखेको विदेशी नागरिकता त्याग्नै पर्ने हुन्छ । विधेयकले कङ्ग्रेस सदस्यहरूले पूर्ण रूपमा संयुक्त राज्य अमेरिका प्रती निष्ठावान हुनैपर्छ भन्ने सिद्धान्तलाई पुनः पुष्टि गर्दछ ।
उनले विधेयकको बारेमा “मलाई लाग्छ, एउटा देशप्रति मात्रै निष्ठा शपथ लिन सकिन्छ भन्ने तर्क न्यायसंगत हो र यदि तपाईं कङ्ग्रेसमा हुनुहुन्छ भने त्यो निष्ठा अमेरिका प्रती हुनुपर्छ,” रिपब्लिकन कङ्ग्रेसम्यान र्यान्डी फाइनले भनेका छन । “यो विधेयकले नागरिकहरूका लागि कानून बनाउने व्यक्तिहरू हाम्रो देश प्रती पूर्ण रूपमा प्रतिबद्ध हुन्, दुई देशबीच विभाजित नहून् भन्ने सुनिश्चित गर्छ।” प्रतिनिधि फाइनका अनुसार, उनी जनताको विश्वास कमजोर पार्न सक्ने योग्यताका खाडलहरू बन्द गर्न चाहन्छन् । यी दुवै प्रस्तावित विधेयक दुवै सदनबाट पारित भएपछि मात्रै कानुन लागु हुन्छ ।
