अमेरिकाको जर्जिया राज्यस्थित ग्विनेट काउन्टीमा भएको गोलीकाण्डमा नेपाली मूलका प्रहरी प्रदीप तामाङको मृत्यु भएको छ । सोही घटनामा अर्का एक प्रहरी गम्भीर घाइते भएका छन् । घटनामा ग्विनेट काउन्टी प्रहरी विभागका अनुसार आइतबार बिहान करिब साढे सात बजे ‘इस्ट पार्क प्लेस ब्लभर्ड’स्थित एउटा ठगी फ्रडसम्बन्धी उजुरीको छानबिनका लागि प्रहरी टोली घटनास्थल पुगेको थियो । सोही क्रममा ३५ वर्षीय संदिग्ध व्यक्ति केभिन एण्ड्र्यूजले प्रहरीमाथि अन्धाधुन्ध गोली प्रहार गरेकोे समाचारमा उल्लेख छ ।
मृतक प्रदीप तामाङ सन् २०२४ जुलाईमा प्रहरी सेवामा प्रवेश गरेका थिए । उनले मे २०२५ मा मात्रै १२१ औँ प्रहरी एकेडेमीबाट स्नातक पूरा गरी फिल्डमा काम सुरू गरेका थिए । सेवामा प्रवेश गरेको छोटो समयमै ज्यान गुमाउनुपरेको भन्दै विभागले गहिरो दुःख व्यक्त गरेको छ ।