अमेरिकाको वासिङ्टनस्थित हिल्टन होटलमा आयोजित ह्वाइट हाउस करस्पोनेन्ट्स डिनरका क्रममा शनिबार साँझ गोली चलाउने संदिग्ध आक्रमणकारीको तस्बिर सावर्जनिक भएको छ ।
प्रहरीले पक्राउ गरिएका ति व्यक्तिको तस्बिर राष्ट्रपति ट्रम्पले आफ्नो समाजिक सञ्जाल ट्रुथ सोसल मार्फत सावर्जनिक गरेका हुन् । एक सशस्त्र व्यक्तिले सुरक्षा घेरा तोडेर कार्यक्रम स्थल भित्र छिर्ने प्रयास गरेपछि सेक्रेट सर्भिसका एजेन्टहरूले उनलाई तत्काल नियन्त्रणमा लिएका थिए ।
घटनाको समयमा हलभित्र रहेका राष्ट्रपति डोनाल्ड ट्रम्प, प्रथम महिला मेलानिया ट्रम्प र उपराष्ट्रपति जेडी भान्सलाई सुरक्षा टोलीले तत्काल सुरक्षित स्थानमा पु¥याएको थियो ।
सो मुठभेडका क्रममा एक सुरक्षा अधिकारीलाई गोली लागेको भए पनि बुलेटप्रुफ ज्याकेटका कारण उनको ज्यान जोगिएको छ । राष्ट्रपति ट्रम्पले ट्रुथ सोसल मार्फत सुरक्षाकर्मीहरूको वीरताको प्रशंसा गर्दै घाइते अधिकारीको स्वास्थ्य अवस्था सामान्य रहेको जानकारी दिनुभएको छ ।
प्रत्यक्षदर्शीका अनुसार सुरुमा भाँडाकुँडा खसेको जस्तो ठुलो आवाज सुनिएपछि पाहुना र कर्मचारीहरू ज्यान जोगाउन टेबलमुनि लुकेका थिए र केही बेरमै सुरक्षाकर्मीहरू अत्याधुनिक हतियारसहित परिचालन भएका थिए ।
अमेरिकी राष्ट्रपति डोनाल्ड ट्रम्प सहभागी कार्यक्रममा गोली चलेको आवाज सुनिएपछि उनलाई सुरक्षित स्थानमा लगिएको छ।
वासिङ्टन डिसीको वासिङ्टन हिल्टन होटलमा शनिबार राति ह्वाइट हाउस संवाददाताहरूले कार्यक्रम राखेका थिए।
कार्यक्रमबीच गोली चलेको आवाज सुनिएपछि ट्रम्प र प्रथम महिला मेलानिया ट्रम्पलाई सुरक्षाकर्मीले सुरक्षित स्थानमा सारेको अमेरिकी अखबार द न्युयोर्क टाइम्सले जनाएको छ।
