भारतको कोचि सहरमा सम्पन्न ११औं एशियाली युवा फोरममा नेपालको प्रतिनिधित्व गरेका तीन यूवा अन्तराष्ट्र्रिय प्रतिस्पर्धामा छानिएका छन । अमेरिकी राज्य विभागको ब्यूरो अफ इन्टरनेशनल नारकोटिक्स एण्ड ल इन्फोर्समेन्टलको सहयोग र कोलम्बो प्लानको ड्रग एडभाइजरी प्रोग्रामद्वारा आयोजना गरिएको सो फोरममा पेश भएका २६ प्रस्तावहरूमध्येबाट नेपाली यूवाका कार्यक्रम “युथ फर युथ” अनुदानको लागि छानिएको अमेरिकी दुतावासले जानएको छ ।
उनिहरुले अमेरिकाका विभिन्न राज्यहरुको भ्रमण गर्ने र विभिन्न आयोजनाको अवलोकनका साथै केहि ग्रान्ट पनि पाउनेछन । यूथ फर यूथका तीन नेपाली युवाहरुमा निशिता नकर्मी, रहान पौडेल र श्रवण दाहाल उपाध्याय रहेका छन ।
हामी प्रभावकारी लागूपदार्थ रोकथाम कार्यक्रमहरूको कार्यान्वयनमा लक्षित युवाहरुलाई समर्थन गर्न गर्व महसुस गर्छौं। अमेरिकी सरकार युवाहरूका आवाजलाई सशक्त बनाउन र उनीहरूलाई सबै नेपालीहरूको स्वास्थ्य र समृद्ध भविष्यमा योगदान पुर्याउने अवसरहरू सिर्जना गर्ने प्रतिबद्ध छ। भारतको कोचि सहरमा सम्पन्न सो कार्यक्रममा दक्षिणा एसियाका प्रतिष्ठित युवा फोरकहरुको सहभागिता थियो ।
