विना भिषा सिमाबाट अमेरिका छिर्ने आप्रबासीको सपना अब सपनामा नै सीमित हुने देखिन्छ । अमेरिकी सरकारले बढ्दो सुरक्षा चुनौतिका कारण भन्दै शुरु गरेको अमेरिका–मेक्सिको र क्यानडाको सिमालाई व्यवस्थापन गर्ने कार्यसंगै विना भिषा अमेरिकी भुमिमा प्रबेश गर्ने कार्य अब असंभव बन्दै गएको छ । कुनै माध्यमबाट अमेरिका प्रबेश गरे पनि अमेरिकी भुमिमा कानुनी हैसियत पाउन झन कठिन हुने पछिल्लो समय राष्ट्रपटि ट्रम्पद्धारा हस्ताक्षरित बीग बीलको कारण असंभव हुने अवस्था छ ।
खास गरी अमेरिका मेक्सिको सीमाको कुल लम्बाइ करिब १ हजार ९ सय ५४ माइल छ । सेप्टेम्बर २०२३ सम्ममा जम्मा ७ सय ४१ माइल सीमा पर्खाल बनाइएको थियो । जसमा पैदलयात्रु रोक्ने र सवारी रोक्ने दुवै प्रकारका अवरोधका रुपमा बनाइएको हो । मेक्सिको सिमाबाट अमेरिका हिडेर आउने अबैध आप्रवासीलाई रोक्न यो पर्खालका लागि राष्ट्रपति डोनाल्ड ट्रम्प प्रशासनले यस बर्षको बहु चर्चित बीग ब्यूटिफुल बीलमा ठुलो रकम छुट्याएका छन । त्यो सिमामा पहिले खासै पर्खाल थिएन, जति बेला राष्ट्रपतिमा ट्रम्पले जिते सन् २०१७ मा त्यसबेलादेखि यो पर्खालको बढी नै चर्चा हुन थाल्यो । हुन पनि बर्षेनी यो सिमाबाट दशौ लाख मानिस अमेरिकी भुमिमा विना भिषा प्रवेश गर्दथे ।
सो सिमामा पैदलयात्रु हिड्न मिल्ने गरी पर्खाल ६३६ माइल लामो डिजायन छ । जसले मानिसलाई पैदल सीमा पार गर्न रोक्न डिजाइन गरिएको हो । सवारी पर्खाल १०५ माइल छ र जसले सवारीसाधनलाई रोक्छ, तर मानिसले सजिलै पार गर्न सक्छन् । पुराना सवारी पर्खालको प्रतिस्थापन गर्न १९५ माइललाई अग्लो पर्खालले प्रतिस्थापन गरिएको छ । त्यसपछि सजिलै अमेरिका छिर्न कठिन भएको बताइएको छ ।
अघिल्लो बाइडेन प्रशासनले (अक्टोबर २०२३) मा आप्रवासीहरूको बढ्दो आवागमनलाई कारण देखाउँदै २० माइल पर्खाल निर्माण पुनः सुरु गरेको बताइएको छ । टेक्सास पर्खाल परियोजना (जुलाई २०२४) अनुसार टेक्सासका गभर्नर ग्रेग एबटले सुरु गरेको पर्खाल परियोजना ३० वर्ष लाग्ने र २० अर्ब डलर खर्च हुने बताइएको छ, किनभने पर्खाल निर्माणका लागि जमिन अधिग्रहणमा कठिनाइ काम भनिएको छ ।
जुलाईमा २०२५ अमेरिकी कङ्ग्रेसले सीमा पर्खाल पूर्ण बनाउन ४६.५ अर्ब डलरको बजेट पारित गरेको छ । जसले सिमाबाट अमेरिका छिर्न पुर्णत बन्द हुनेछ । जनवरी २० मा राष्ट्रपति ट्रम्पले सत्ता लिएपछि फेब्रुअरीबाट एल पासो क्षेत्रमा सिमा पर्खाल निर्माण पुनः सुरु गरिएको छ ।
जुन २०२५ बाट होमल्याण्ड सेक्युरिटी विभागले एरिजोना र न्यू मेक्सिकोमा ३६ माइल नयाँ पर्खाल छिटो निर्माण गर्न कानुनी छुट पाएपछि पर्खालनिर्माण कार्य द्रुत गतिमा अगाडी बढेको छ । हालसम्म अमेरिकाले करिब ८ सय ३७ माइल जति सीमा पर्खाल बनाइसकेको वा निर्माण गरिरहेको छ जुन करिब ४३% कुल सिमा पर्खालको भाग हो ।
जब राष्ट्रपति ट्रम्पले बीग बीलमा हस्ताक्षर गरे ४६.५५ अर्ब भौतिक निर्माणका लागि जस्तै क्यामेरा, बत्ती, सेन्सर आदिको निर्माण, जडान वा सुधारका लागि बजेट छुट्याइएको छ । जुन कार्य अमेरिका–मेक्सिको र अमेरिका–क्यानाडा सीमाका पैदल यात्रा गर्दै अमेरिका प्रवेश गर्ने सिमामा निर्माण गरिनेछ ।
ह्वाइट हाउसले जनाएअनुसार यो बजेटले ७०१ माइल प्राथमिक पर्खाल, ९०० माइल नदी अवरोध क्षेत्र, ६२९ माइल सेकेन्डरी पर्खाल बनाउन, १४१ माइल सवारी र पैदल अवरोध हटाउन केन्द्रित हुनेछ ।
उता पछिल्ला बर्षहरुमा क्यानडाबाट अमेरिका छिर्नेको सख्या पनि उल्लेख्य बृद्धि भएपछि अमेरिका क्यानडा बोर्डर पनि सिल गरिएको छ । पछिल्लो बाईडन प्रशासनको चार बर्षे अबधिमा क्यानडाबाट अमेरिका अबैध रुपमा छिर्नेको सख्या दशौ गुणाले बृद्धि भएको एक तथ्यांकले देखाएको छ । खासमा अमेरिका–क्यानडा सीमासंसारकै लामो अन्तराष्ट्रिय सिमा हो । अमेरिका–क्यानडा सीमा संसारकै सबैभन्दा लामो अन्तर्राष्ट्रिय सिमा हो, जसको लम्बाइ करिब ५,५२५ माइल अर्थात (८,८९१ किलोमिटर) लामो छ ।
क्यानडा र अलास्का राज्यबीचको सीमा ८ हजारभन्दा बढी सीमा चिन्ह बिन्दुहरू रहेका छन । यसले सिमी क्षेत्रमा २० फिट चौडाइको मार्ग पनि कायम राख्छ । जसमा सीमा जंगल, पहाड, सहर र जंगल क्षेत्रहरु पर्दछ । ग्रेट लेक्स, अटलान्टिक, र प्यासिफिक महासागरका भागहरू पनि यस सीमामा पर्छन् । यो सीमा पूर्ण रूपमा विवादरहित मानिन्छ । सन् १७८३ को ट्रिटी अफ पेरिसबाट पहिलोपटक यो सीमा स्थापित गरिएको ईतिहास छ । पछि विभिन्न सन्धि र सम्झौताहरूमार्फत यसमा केही परिमार्जन गरिएको पाईन्छ ।
यो सिमाबाट पछिल्लो चारबर्षमा सन २०२१ मा २७ हजार, २२ मा एक लाख ९ हजार, २३ मा एक लाख ९० हजार र २४ मा २ लाख मानिस अबैध रुपमा क्यानडाबाट अमेरिका प्रबेश गरेको तथ्यांक छ । त्यसैले वर्तमान राष्ट्रपति ट्रम्पले सिमा व्यवस्थापन शुरु गरेका हुन । यो सिमाबाट सबैभन्दा बढी भारतीयहरु अमेरिका छिरेको बताइएको छ । क्यनडामा खुलेका भारतीय मुलका व्यापारीले अमेरिका छिराउने भन्दै व्यापक मानव तस्करी गरेको घटनाले भारत क्यानडाको कुटनीतिक चासो नै बनेको थियो । त्यसैले विस्तारै अब विना भिषा अमेरिका आउने अमेरिकी सपना सपनामा नै सिमिति हुँदै जाने निश्चित छ त्यसैले दलालको भुलभुलैयामा पर्नु पहिले ख्याल गर्नु जरुरी छ । अमेरिकी सुरक्षा नीतिमा चुनौति र बढी रहेको अपराधका मुख्य कारणहरु सिमाबाट अमेरिका छिरेका लाखौ अबैध आप्रवासीहरु नै हुन । जहाँबाट दुखी पीडित धेरै प्रबेश गरेहोलान तर हजारौ अपराधिक पृष्ठभुमिका, अपराध कर्म गरेकाहरु, चोरी ठगीमा परेकाहरु छन । उनिहरु अबैध बाटोबाट अमेरिका आएर त्यहि कर्म जारी राखेपछि सुरक्षा चुनौति हुनु स्वाभाविक पनि हो त्यसलाई नियन्त्रण गर्नु अमेरिकी सरकारको प्रमुख दायित्व हो । विभिन्न अन्तराष्ट्रिय सन्चारमाध्यमको तथ्यांकहरुमा आधारित
