सबैभन्दा ठूलो क्रिप्टोकरेन्सी ’बिटकोइन’को मूल्य बढेर पहिलो पटक एक लाख २० हजार डलरभन्दा माथि पुगेको छ । यसले संयुक्त राज्य अमेरिकामा डोनल्ड ट्रम्प राष्ट्रपति पदमा बहाल भएपछि लगानीकर्ताहरू बिटकोइनप्रति बढी आकर्षित भएको देखाउँछ । उनी निर्वाचित भएपछि सरकारले क्रिप्टोकरेन्सीलाई अनुकूल हुने खालका नीति अवलम्बन गर्ने ठानिएको थियो । अमेरिकी कङ्ग्रेसमा सोमवारदेखि डिजिटल सम्पत्ति उद्योग नियमनलाई सुधार गर्ने उद्देश्यसहित ल्याइएका विभिन्न विधेयकमा छलफल हुन लागेको छ । जसको प्रभावस्वरुप मुल्य बढेको बताइएको छ ।
सोमवार एक बिटकोइनको मूल्य सर्वोच्च बिन्दुमा पुग्दा १ लाख २२ हाकर ५७१.१९ डलर थियो । तर त्यसपछि ओर्लिएर १ लाख २१ हजार ९५२.६१ डलर कायम भयो । बिटकोइनको डलर अर्थात् १.६७ करोड नेपाली रुपैयाँभन्दा बढी भएपछि विश्वभरि क्रिप्टोकरेन्सीका प्रशंसकहरू उत्साहित देखिएका छन् ।
सन् २०२१ मा ट्रम्पले बिटकोइनलाई “नक्कल“ भनेका थिए । तर पछि उनले उक्त क्रिप्टोकरेन्सीका बारे आफ्नो धारणा फेरे । गत वर्ष निर्वाचनको प्रचारप्रसारका बेला उनले बिटकोइनका समर्थकहरूसमक्ष अमेरिकालाई “पृथ्वीको क्रिप्टो राजधानी“ बनाउने उद्घघोष पनि गरे । अमेरिकी बजारमा अरु शेयर बजार त्यति सन्तोक जनक नरहे पनि विटक्वाइृनको मुल्य लगातार बढी रहेको छ ।
