अपराधमा संलग्न र गैरकानुनी व्यक्ति पक्राउ तथा छापा मार्ने कार्य तिव्र पारिहेको अवस्थामा आपतकालिन अवस्थाबाट बच्न परिचय खुल्ने सरकारी परिचय पत्र बोक्न
अमेरिकाको कस्टम एन्ड बोर्डर प्रोटेक्सन सीबीपीले आग्रह गरेको छ । सिविपीले ग्रिनकार्डवाहक लगायत सबैगैरनागरिकलाई आफ्ना कागजात बोकेर हिँड्न परिपत्र जारी गरेको हो । जारी गरिएको पत्रमा १८ वर्ष वा सोभन्दा माथिका अमेरिकी नागरिकबाहेकका सबैले परिचय खुल्ने सरकारी कागजात बोक्न वा आफैसंग राख्नुपर्ने उल्लेख छ। यसो नगर्दा संघीय कानुन प्रवर्तनले रोकेमा दुष्कर्मको अभियोग लाग्न सक्ने र जरिवाना समेत हुन सक्ने बताइएको छ। छापा मार्ने समयमा अपराधि नछुटुन र निर्दोश मानिसहरु नपरोस भन्नाका लागि यो सुना जारी गरिएको बताइएको छ । पछिल्ला केहि दिनहरुमा निर्दोश मानिसहरु पनि छापा मार्ने क्रममा परेपछि अनिवार्य परिचय खुल्ने कागजात बोक्न आग्रह गरेको हुन सक्ने बताइएको छ ।
प्रत्येक विदेशीले उपधारा डी बमोजिम जारी गरिएको कुनै पनि विदेशी दर्ता प्रमाणपत्र वा विदेशी दर्ता रसिद कार्ड सधैँ आफूसँगै बोक्नुपर्ने र आफ्नो व्यक्तिगत स्वामित्वमा राख्नुपर्ने उल्लेख गरिएको छ। साथै, यस उपधाराको प्रावधानहरूको पालना गर्न असफल हुने कुनै पनि विदेशीले कानुन बमोजिम कारबाही भोग्नु पर्ने उल्लेख छ । यस्तो अवस्थामा कागजात नबोक्दा दोषी ठहरिएमा १०० डलरसम्म जरिवाना वा ३० दिनसम्म कैद वा दुवै सजाय हुन सक्ने समेत उल्लेख छ।
अमेरिकी सरकारलेगत मार्चमा फेडरल रजिष्ट्ररमा जारी नियममा डिपार्टमेन्ट होमल्याण्ड सेक्युरिटीले यदि यस्ता कागजातहरु साथमा बोकेर नहिडे ५ हजार डलरसम्म जरिवाना वा ३० दिनसम्म जेल वा दुबै सजाय हुनसक्ने उल्लेख गरेको थियो । त्यस्तै एलियन दर्ता नगरे ५ हजार डलरसम्म जरिवाना वा ६ महिनासम्म जेल वा दुबैसजाय हुनसक्ने नियममा उल्लेख छ ।
