अमेरिकी राष्ट्रपति डोनाल्ड ट्रम्प प्रशासनको अबैध आप्रवासीमाथी कडाइका बीच लामो समयदेखि समस्याग्रस्त पानमाको डारिएन ग्याप हुँदै हुने आप्रवासी आवागमन लगभग शून्यमा झरेको एक अध्ययनले देखाएको छ । डिपार्टमेन्ट अफ होमल्याण्ड सेक्यूरिटीले जनाए अनुसार जुन महिनामा केवल १० आप्रवासीले डारिएन ग्याप पार गरेको उल्ल्ेख छ । जब कि बाइडन शासनकालमा एउटै महिनामा ८२,००० सम्म पुगेको बताइएको छ ।
तल्लो बाटो हुँदै अमेरिका जानेहरुका लागि मुख्य बाटो पनामाको डारिएन ग्याप जसले लामो समयदेखि हजारौं अमेरिकी गन्तव्यतर्फ जाने आप्रवासीहरू जाने बाटो बनाएका थिए हिजो आज त्यहँ शुन्य देखिएको छ । जसमा खतरनाक अपराधीहरू समेत भेटिने सो बाटोमा अहिले राष्ट्रपति डोनाल्ड ट्रम्पको आक्रामक आप्रवासन नियन्त्रण नीति र पनामाका राष्ट्रपति होसे राउल मुलिनोको घातक मार्ग बन्द गर्ने प्रतिबद्धतापछि लगभग सुनसान भएको हो ।
कोलम्बिया र पनामा जोड्ने ६० माइल लामो जंगल यात्रामा आप्रवासी आवागमन, जुन अधिकारीहरूका अनुसार “बालबालिका र अति संवेदनशील व्यक्तिहरूसमेत यौन दुव्र्यवहार, मानव तस्करी र शोषणमा पर्न सक्ने“ डरलाग्दो मार्ग थियो । २०२५ को जुन महिनामा मात्र १० जनाले पार गरेका थिए । यो तथ्यांक अमेरिकी गृह सुरक्षा विभाग र पनामाको राष्ट्रिय आप्रवासन सेवाले सार्वजनिक गरेका हुन् ।
यो नयाँ तथ्यांक बाइडन प्रशासनको समयमा, विशेष गरी अगस्ट २०२३ मा, एकै महिनामा ८२ हजार भन्दा बढी आप्रवासीहरूले सो मार्ग प्रयोग गरेको तुलनामा ९९.९८% गिरावट देखिन्छ । यो तीव्र गिरावट महिनौँदेखि चलिरहेको संयुक्त कार्यान्वयन प्रयासहरूको परिणाम हो, जसमा ट्रम्पको ठूलो मात्रामा निर्वासन अभियान र राष्ट्रपति मुलिनोको आप्रवासन गस्ती बढाएर मार्ग बन्द गर्ने प्रयास प्रमुख छन् । पछिल्लो केहि तथ्यांकहरुका अनुसार समग्रमा मेक्सिको सिमाबाट अमेरिका छिर्नेहरु लगभग न्यून रहेको बताइएको छ ।
