प्रधानमन्त्री सुशीला कार्कीले ११ देशका राजदूतलाई किन फिर्ता बोलाउने निर्णयको विषयमा सर्वोच्च अदालतमा बहस भई रहेको बेला फिर्ता बलाउँदा अपनाएको कारण बताउनु भएको छ । बालुवाटारमा शुक्रबार पत्रकारहरूसँग कुरा गर्दै प्रधानमन्त्रिले तीन कारण खुलाउँदै राजदुत फिर्ता बोलाएको बताएकी हुन् । सरकारले राजनीतिक नियुक्ति पाएका ११ देशका राजदूतलाई फिर्ता बोलाउने निर्णय गरेको छ ।
असोज ३० गते बसेको मन्त्रिपरिषद बैठकले चीन, जर्मनी, मलेसिया, इसराइल, कतार, रूस, साउदी अरब, स्पेन, संयुक्त अधिराज्य, संयुक्तराज्य अमेरिका र जापानमा कार्यरत नेपाली राजदूतलाई फिर्ता बोलाउने निर्णय गरेको थियो। उनीहरूलाई कात्तिक २० गतेसम्म स्वदेश फर्किसक्न भनिएको छ । केहि राजनीतिक नियूक्त भए पनि फरक व्यवहार गरिएको भन्दै आलोचना भईरहेको छ । तथापि राजनीतिक नियूक्त व्यक्तिहरु सरकार फेरिएपछि अन्तर्राष्ट्रिय परम्पार हेने हो भने राजदुतहरु फिर्ता आफै हुनुपर्ने हो ।
यसरी विभिन्न देशमा नियुक्त राजदूतमध्ये के आधारमा ११ जनालाई मात्र फिर्ता बोलाइयो भन्ने प्रश्नमा प्रधानमन्त्री कार्कीले तीन कारण बताएकी हुन् । जसमा पहिलो कारण राजदूतहरूको कार्यसम्पादनबारे सम्बन्धित मुलुकहरूसँग परामर्श गरिएको मुल्यांकनमा आधारित रहेको छ । त्यस क्रममा उनीहरूको राय बुझेर कार्यसम्पादन चित्तबुझ्दो नभएका राजदूतलाई फिर्ता बोलाइएको प्रधानमन्त्री कार्कीले बताइन् ।
दोस्रो, कतिपय राजदूतले अहिलेको अन्तरिम सरकारमाथि नै प्रश्न उठाउँदै सार्वजनिक टिकाटिप्पणी गरेको आधारमा त्यस्ता राजदूतलाई पनि फिर्ता बोलाइएको प्रधानमन्त्रीको भनाइ छ । ’कतिपय राजदूतले अहिलेको सरकार दुई–चार महिनाका लागि मात्र हो भन्ने अभिव्यक्ति दिइरहेको पाइएकोले उनीहरूले देशको परिवर्तित राजनीतिक अवस्था स्वीकार नगरेजस्तो देखिएप्छि हामीले फिर्ता बोलाउने निर्णय गर्यौं,’ प्रधानमन्त्री कार्कीले भनिन् ।
तेस्रो कारण, पछिल्लो समय कतिपय राजदूतको नाम आर्थिक अनियमिततामा मुछिएकाले तिनलाई पनि फिर्ता बोलाइएको प्रधानमन्त्री कार्कीले बताइन् । ’हाम्रो अनुभवमा राजनीतिक कार्यकर्ता भएर राजदूत नियुक्ति पाएकाहरूले भन्दा कूटनीतिक अनुभवका आधारमा राजदूत बनेकाहरूको कार्यसम्पादन राम्रो देखियो,’ कार्कीले भनिन् ।