नेपालको कुटनीतिक परम्परा यति धेरै भ्रष्ट र नालायक बनेको सायदै पहिलो पटक होला । सामान्य कुटनीतिक परम्परा पनि नमानेर लाजै पचाएर सरकारले किन फिर्ता बोलाएको पनि समान्य नबुझेर काठमाडौँ फर्केका अधिकांश राजदूत दिनहुँ परराष्ट्र मन्त्रालय पुगेर हाजिर गरेर फर्कने गरेका छन्। फिर्ता बोलाइएकामध्येका चार राजदुतले सरकारले विश्वास नगरेपछि पदमा रहिरहनु नैतिक दृष्टिले उपयुक्त नहुने मान्यताका साथ राजीनामा बुझाइसकेका छन्। बाँकी राजदुतहरु समान्य पदीय मर्यादा बिर्सेर दिनहुँ मन्त्रालय जान्छन अनि फर्किएका राजदुतहरुका लागि तयार पारिएको एम्बाडर्डर कोठामा हाजिर गर्दछन । त्यहि कोठामा लहरै राखिएका कुर्सीमा एकछिन बस्दछन अनि चिया खाएर फर्किने गर्दछन ।
यी राजदुतहरु एमाले काँग्रैस र माओवादीबाट सिफारिस भएर नियूक्त भई वर्तमान सरकाद्धारा फिर्ता बोलाएपछि फर्किएकाहरु हुन । सर्वोच्च अदालतले राजदूहरूलाई फिर्ता बोलाउने ३० असोजको निर्णय कार्यान्वयन नगर्न १६ कार्तिकमा अन्तरिम आदेश जारी गरेपछि सरकारले ‘पहिलेको निर्णय बमोजिम काटिएको टिकट अनुसार नै फिर्ता हुन र राजदूतकै हैसियतमा मन्त्रालयमा हाजिर हुन’ निर्देशन दिए पछि को यो नाटकी दृष्य हिजो आज परराष्ट्र मन्त्रालयमा देखिन्छ । ती राजदुतहरुका लागि मन्त्रालयमा उनीहरूका लागि छुट्टै हाजिरी पुस्तिका खडा गरिएको छ।
यति हुँदा पनि केहि राजदुतहरु यसरी नै हाजिर गरेर तलब खाई रहने सोचमा रहेको बुझ्न सकिन्छ । अनौपचारिक कुराकानीमा उनिहरु तत्काल राजीनामा नदिने सोचमा छन । यो र यस्तो परम्परा सायदै नेपालको कुटनीतिक ईतिहासमा पहिले कहिल्यै थिएन । सामान्यतय कुटनीतिक परम्परामा राजनीतिक नियूक्ति पाएका राजदुतहरु सरकार परिवर्तन हुने वित्तिकै आफै छोडेर जाने प्रचलन हुन्छ ।
