निरन्तर ४२ दिनदेखि अमेरिकाको इतिहासमा सबैभन्दा लामो सरकारी बन्द बुधबार बेलुकाबाट खुलेको छ । यो ४२ दिनभन्दा बढी समयपछि प्रतिनिधि सभाले पारित गरेको विधेयकले अन्त्य गर्न लागेको हो । बुधबार साँझ राष्ट्रपतिद्धारा हस्ताक्षर भएप्छि औपचारिक रुपमा सरकारको नियमित काम कारबाही खुल्नेछ । जुन रिपब्लिकनहरू र डेमोक्र्याटसँग सम्बद्ध केही विभाजित सिनेटरहरूबीचको सहमतिमा तयार गरिएको थियो । उक्त विधेयकले संघीय सरकारका कार्यहरू पुनः सुरु गर्नेछ, तर स्वास्थ्य बीमाको लागि अल्पसंख्यक दलले माग गरेको वित्तीय सहयोग भने यसमा समावेश गरिएको छैन ।

यो सम्झौताले जनवरीसम्म सरकारी कार्यहरू सामान्य अवस्थामा फर्काउने बाटो खोल्नेछ, तर अफोर्डेबल केयर एक्ट अन्तर्गतका समाप्त हुन लागेका कर क्रेडिटहरूको विषय भने अझै समाधान भएको छैन । अधिकांश डेमोक्र्याटहरूले सरकार पुनः खोल्ने कुनै पनि सम्झौतामा यी कर छुटहरू विस्तार गर्नुपर्ने माग गरेका थिए ।
सप्ताहन्तमा उक्त सम्झौता सार्वजनिक भएपछि, सेनेटले सोमबार यसलाई स्वीकृति दियो, र त्यसपछि प्रतिनिधि सभाले बुधबार २२२ मत समर्थन र २०९ मत विरोधमा पारित गरेको हो । ह्वाइट हाउसका अनुसार, राष्ट्रपति डोनाल्ड ट्रम्पले यो विधेयकमा आजै बुधबार साँझ हस्ताक्षर गर्नेछन् । सरकारी बन्द १ अक्टोबरमा सुरु भएको यो बन्दका कारण करिब ७ लाख संघीय कर्मचारीहरू विदामा थिए भने अब भोलीबाट काममा जानेछन । सक्रिय सैन्य, कानून प्रवर्तन, र विमानस्थल सुरक्षा जाँचकर्ताहरू जस्ता दसौं लाख कर्मचारीहरू काममा रहँदा पनि तलब पाएका थिएनन ।