नेपाल–अमेरिका एलुम्नाइ नेटवर्कले एलुम्नाइ उद्यमशीलता मेला आयोजना गरेको छन । जसमा अमेरिकी सरकारद्वारा प्रायोजित एक्सचेन्ज कार्यक्रमका पूर्वविद्यार्थी, ३० भन्दा बढी व्यवसाय, र एकै स्थानमा भेटघाट भएको थियो । यो मेलाले नवप्रवर्तन, सहकार्य, र नेपालमा यूएसजी एलुम्नाइको बढ्दो आर्थिक प्रभावलाई उत्सवको रूपमा मनाएको जनाएको छ ।
कार्यक्रममा बोल्दै सांस्कृतिक तथा सार्वजनिक संलग्नता अधिकृत एरिका एलेक्जाण्डरले यूएसजी एलुम्नाइहरूले नयाँ व्यवसायिक अवसर, रोजगारी सिर्जना, र समुदायमुखी नवप्रवर्तनमार्फत कसरी आर्थिक वृद्धि अघि बढाइरहेको उल्लेख गर्नुभयो। मेलाले विभिन्न अमेरिकी एक्सचेन्ज कार्यक्रमका २० भन्दा बढी यूएसजी एलुम्नाइलाई आफ्ना व्यवसाय प्रदर्शन गर्न, उद्यमीहरूबीच आपसी सम्बन्ध विस्तार गर्न, र नेपाली बजारमा नयाँ साझेदारीका अवसरहरू अन्वेषण गर्न एक सहज मञ्च प्रदान गर्यो।
१ हजार ५०० भन्दा बढी सहभागीहरूले डिजिटल रूपान्तरण, उदाउँदो बजार प्रवृत्ति, तथा नेपालको अनुकूल व्यवसायिक वातावरणबारे उद्योग विशेषज्ञ र सरकारी प्रतिनिधिहरूबाट महत्वपूर्ण ज्ञान प्राप्त गरेको उल्लेख छ ।
संयुक्त राज्य अमेरिका नेपाली र अमेरिकी दुवै कम्पनीहरूलाई फाइदा हुने गरी जीवन्त उद्यमशील पारिस्थितिकी तन्त्रलाई सुदृढ बनाउन प्रतिबद्ध छ। यो प्रतिबद्धताले नेपालका तीव्र गतिमा बढिरहेका व्यवसायिक क्षेत्रहरूमा नयाँ साझेदारी, प्रविधि हस्तान्तरण, र बजार विस्तारका अवसरहरू सिर्जना गर्न मद्दत गर्छ। सहभागी संस्थाहरूमा नबिल बैंक, एफसफ्ट, इन्टरनेशनल क्लब, किङ्स कलेज, यंग इनोभेसन्स, स्वोटिश्री गुरुकुल, र स्टुडियो डेन्टाले रहेका थिए ।
