नेपालस्थित अमेरिकी दूतावासले विभिन्न तीन शहरमा ‘क्रिएटर्स मेला २०२६ सम्पन्न गरेको छ। ‘भिजन टु भेन्चर’ स्लोगन रहेको मेलामा सृजनात्मक विचार, व्यावसायिक उद्यम, कूटनीतिक र कूटनीतिक विषयका विज्ञहरूलाई समेत समावेस गरी दूतावासले सन् २०२३ देखि आयोजना गर्दै आएको थियो । ‘क्रिएटर्स मेला’ अमेरिकी परराष्ट्र नीतिको एक हिस्सा भएको बताईन्छ । क्रिएटर्स मेला २०२६ भिजन टु भेन्चर” को शुभारम्भसँगै नेपालको सिर्जनात्मक अर्थतन्त्रको वृद्धिलाई तीव्र बनाउँने अमेरिकी दुतावासले उल्लेख गरेको छ । यस वर्षको संस्करणले प्रमुख प्लेटफर्मको रूपमा साहसी रूपान्तरण प्रस्तुत गर्दै सामग्री सिर्जनाबाट दिगो र व्यावसायिक व्यवसाय निर्माणतर्फ ध्यान केन्द्रित गरेको छ। विभिन्न सहरमा सञ्चालन हुने यो कार्यक्रम जनवरी १७ मा चितवन, जनवरी २४ मा नेपालगञ्ज हुँदै, जनवरी ३०–३१, २०२६ मा काठमाडौँमा दुईदिने अन्तिम कार्यक्रमसहित सम्पन्न भएको छ ।

२०२६ को मूल विषयवस्तु भिजन टु भेन्चर डिजिटल कथावाचन र व्यावसायिक उद्यमबीचको दूरी कम गर्न डिजाइन गरिएको हो। प्रविधि, प्लेटफर्ममार्फत आम्दानी मोनिटाइजेसन र डिजिटल व्यवसाय विकासमा अमेरिकी विशेषज्ञताको समावेशमार्फत, मेलाले सिर्जनाकर्ताहरूलाई आफ्नो प्रभावलाई दीर्घकालीन करियरमा रूपान्तरण गर्ने स्पष्ट मार्गचित्र प्रदान गर्दछ।
कार्यक्रमपछि अमेरिकी दूतावास, नेपालका सार्वजनिक मामिला प्रमुख माइक हार्करले “क्रिएटर्स मेला २०२६ ले नेपालको सिर्जनात्मक अर्थतन्त्रलाई सुदृढ बनाउने संयुक्त राज्य अमेरिकाको प्रतिबद्धता झल्काउँछ। देशभर ज्ञान, सीप र सञ्जाल विस्तार गरेर हामी उद्यमशीलता र रोजगारी सिर्जनालाई सहयोग गरिरहेका छौँ। हामी नेपाली सिर्जनाकर्ताहरूलाई केवल स्थानीय प्रभावमा सीमित नराखी, अमेरिकी व्यवसायिक साझेदारहरूसँग तथा विश्वव्यापी बजारमा सफल हुन सक्ने अवस्थामा पुर्‍याउँदैछौँ, जसले आर्थिक सम्बन्ध र साझा समृद्धिलाई थप मजबुत बनाउँछ।”

यस कार्यक्रममा ५० भन्दा बढी सिर्जनाकर्ता, उद्योग विज्ञ र कलाकारहरूको विशिष्ट सहभागिता रहेका थिए । सहभागीहरूले सज्जन राज वैद्य, प्रियंका कार्की, आयुष्मान जोशी, लेक्स लिम्बु, नितेश जंग कुँवर, कविता नेपाली, यवेश थापा, सोनाम टोप्देन, श्रिषेश मानन्धर, नेपाललगायत अन्य प्रभावशाली व्यक्तित्वहरूको यात्राबाट सिक्ने र उनीहरूको प्रस्तुति अनुभव गर्ने अवसर पाएको बताइएको छ ।