अमेरिकी राष्ट्रपति डोनाल्ड ट्रम्पको कडा आप्रवासन नीतिका कारण अमेरिका पढ्न जाने विधार्थीको संख्यामा भारी गिरावट आएको तथ्यांक सार्वजनिक भएको छ । अमेरिकी शैक्षिक संस्थाहरूले पहिले नै महसुस गरिरहेको भिसा जारी प्रक्रियामा आएको कमीलाई जनाउँछन् । जसमा राष्ट्रपति डोनाल्ड ट्रम्पका कठोर आप्रवासन नीतिहरूको प्रभाव देखिन थालेको भनिएको छ । अमेरिकी विदेश मन्त्रालयको तथ्यांकअनुसार मे २०२५ मा विद्यार्थी भिसा जारी संख्या अघिल्लो वर्षको तुलनामा २२ प्रतिशतलले घटेको उल्लेख छ ।
हालै सच्याइएको सेभिज तथ्यांकले देखाएको छ कि अमेरिकी सरकारले गत वर्ष अन्तर्राष्ट्रिय विद्यार्थीहरूको संख्या २ लाखले कम भएको रिपोर्टमा उल्लेख छ । वास्तविक तथ्यांकले भने स्थिर वृद्धि भएको देखाएको छ। यस वर्षको सुरुमा द पाई समाचारले संघीय तथ्यांकमा भेटिएको त्रुटिबारे रिपोर्ट गरेको थियो, जसले अगस्ट २०२४ देखि हालसम्म अन्तर्राष्ट्रिय विद्यार्थी संख्या घटिरहेको देखाएको थियो। गलत सेभिज तथ्यांकले अन्तर्राष्ट्रिय विद्यार्थी संख्या तीव्र रूपमा घटिरहेको चित्र प्रस्तुत गरेको थियो, र असामान्य रूपमा स्थिर देखिएको थियो । जहाँ मार्च २०२४ देखि मार्च २०२५ बीच भर्नामा ११ प्रतिशतले गिरावट भएको देखाइएको थियो। वास्तविक तथ्यांकले सेप्टेम्बर २०२४ मा अमेरिकामा अन्तर्राष्ट्रिय विद्यार्थी संख्या करिब १३ लाख पुगेर नयाँ ऐतिहासिक उच्च स्तर कायम गरेको देखाएको छ।
त्यसबाहेक, गत वर्षको ६ दशमलव ५ वृद्धि दरले आफ्नो २०२४ सर्वेक्षणमा अनुमान गरेको ३ प्रतिशत वृद्धि दरभन्दा दोब्बरभन्दा बढी हो। २०२३ मा भारतले चीनलाई उछिन्दै अमेरिकामा सबैभन्दा बढी विद्यार्थी पठाउने देश बनेपछि यी दुई देशबीचको अन्तर अझै बढिरहेको छ। जुन २०२५ को नयाँ तथ्यांकअनुसार चीनभन्दा भारतबाट झन्डै १ लाख ४३ हजार बढी विद्यार्थी रहेका छन्। ‘अर्को एक तथ्यांक अनुसार स्नातक र स्नाकोत्तर पढ्ने विधार्थीहरुको सख्या भने विगतको तुलनामा बढी रहेको उल्लेख छ ।
उता सेभिसले सार्वजनिक गरेको फेब्रुअरी २०२६ को तथ्यांकअनुसार अमेरिकामा अध्ययनरत सक्रिय नेपाली विद्यार्थीहरूको संख्यामा उल्लेख्य वृद्धि देखिएको छ। जनवरीमा गिरावट आएर ३३ हजार ७३५ कायम भएको विद्यार्थी संख्या फेब्रुअरीमा १ हजार ११५ ले बढेर ३४,८५० पुगेको छ। यो वृद्धिले फेब्रुअरी महिनाको नयाँ शैक्षिक सत्रका लागि नेपाली विद्यार्थीहरू अमेरिका भित्रिएको संकेत गर्छ। शैक्षिक तहगत रूपमा हेर्दा सबैभन्दा ठूलो वृद्धि एसोसिएट डिग्रीमा देखिएको छ।
