अमेरिकी समाजमा जसरी नेपाली समाज बढ्दै गएको छ त्यहि अनुपातमा खराव कार्यमा संलग्न भएको सुचिमा नेपालीहरु पनि देखिन थालेका छन । जसको पछिल्लो उदाहरण हो अमेरिकी होमल्याण्ड सेक्युरिटीले सञ्चालन गरेको देशव्यापी अध्यागमन कारबाहीका क्रममा पक्राउ परेका सात नेपाली नागरिक “खराबमध्येका अति खराब” अपराधीको सुचिमा सुचिकृत भएका छन । विगतमा नेपालीप्रति अमेरिकी समाजमा ईमान्दार काम गर्ने र काननी झण्झटबाट सर्तक रहने समुदायमा पर्ने
भनि सुचिकृत थिए । यस घटनापछि अमेरिकामा नेपाली सुमाजमा पनि सतर्क हुनु पर्ने अवस्था आएको छ ।
होमल्याण्ड सेक्युरिटीले सार्वजनिक गरेको सूचीमा विभिन्न राज्यबाट पक्राउ परेका सात नेपाली छन्, जो यौन शोषण, ठगी, लागुऔषध ओसारपसार र हिंसात्मक आक्रमणजस्ता गम्भीर अपराधमा संलग्न रहेको उल्लेख गरिएको छ। सूचीमा टेक्सस, न्यूयोर्क, कोलोराडो र एरिजोनालगायत विभिन्न राज्यमा आपराधिक गतिविधिमा संलग्न नेपाली नागरिकहरूको नाम समावेश छ ।
सूचीमा परेकामध्ये टेकन कँडेल नाबालिगको यौन शोषण र बन्धक बनाएको अभियोगमा कोलोराडोमा दोषी ठहर भएको उल्लेख छ । अनिल पन्थ सञ्चारमाध्यममार्फत नाबालिगलाई लोभ्याएर अस्लिल कार्यमा संलग्न भएको अभियोगमा डल्लासमा दोषी ठहर भएको उल्लेख छ । सयनम घिमिरे यौन दुर्व्यवहारको अभियोगमा न्यूयोर्कमा दोषी ठहर भएका भनिएको छ ।
त्यसैगरी रातुल सिंह डकैतीको अभियोगमा डल्लासमा दोषी ठहर भएको बताएइएको छ । रिकेश थापा ‘वायर फ्रड’ अर्थात् विद्युतीय कारोबारमा ठगीको अभियोगमा लुजियानामा दोषी ठहर भएको उल्लेख छ । त्यसैगरी सन्तोष दर्जी खतरनाक लागुऔषध, परिचय चोरी र सवारीसाधन चोरीको अभियोगमा एरिजोनामा दोषी ठहर भएको सुचिमा उल्ल्ेख गरिएको छ । नबिन शाह ठगी, कुटपिट र चोरीको अभियोगमा टेक्ससमा दोषी ठहर भएको भनिएको छ ।
अमेरिकी राष्ट्रपति डोनाल्ड ट्रम्प प्रशासनको निर्देशनअनुसार गम्भीर र हिंसात्मक अपराधमा संलग्न गैरनागरिकहरूलाई प्राथमिकताका साथ देशनिकाला गर्ने उद्देश्यले चालिएको यस अप्रसनल कार्यबाट नेपालीहरु पनि खराब सुचिमा परेको हो ।अमेरिकामा नेपालीहरूलाई देशनिकाला गर्ने दरमा उल्लेख्य वृद्धि भएसंगै राष्ट्रपति डोनाल्ड ट्रम्पको दोस्रो कार्यकाल सुरु भएयता ८०० भन्दा बढी नेपालीलाई अमेरिकाबाट फिर्ता पठाइसकिएको छ।
