दक्षिण तथा मध्य एसियाका लागि अमेरिकी राष्ट्रपति डोनाल्ड ट्रम्पका विशेष दूत सर्जियो गोर काठमाडौं आइपुगेका छन् । गोर ६ सदस्यीय प्रतिनिधिमण्डलको नेतृत्व गर्दै बिहीबार साँझ काठमाडौं आइपुगेका हुन् । नेपालस्थित अमेरिकी दुतावासद्धारा जारी विज्ञप्तिमा उल्लेख गरिए अनुसार दक्षिण तथा मध्य एशियाका लागि विशेष दूत सर्जियो गोरलाई काठमाडौंमा हार्दिक स्वागत गरिएको छ । गोरले भ्रमणका क्रममा नेपाल सरकारका वरिष्ठ अधिकारीहरू र व्यवसायिक क्षेत्रका नेतृत्वसँग भेटघाट गर्नुहुनेछ।
उनी नयाँ दिल्लीबाट नेपाल वायुसेवाको उडानमार्फत साँझ त्रिभुवन अन्तर्राष्ट्रिय विमानस्थलमा ओर्लेका हुन् । भारतका लागि अमेरिकी राजदूतको रूपमा समेत कार्यरत गोरले विगतमा ट्रम्पको निकट सहयोगीका रूपमा काम गरिसकेका छन् ।
गोरसँगै नयाँ दिल्लीस्थित अमेरिकी दूतावासका डिफेन्स एट्याची मेजर जनरल प्याट्रिक ए टिग पनि काठमाडौं आएका छन् । तीन दिने नेपाल बसाइका क्रममा गाेरले प्रधानमन्त्री वालेन्द्र शाहसँग भेट गर्ने बुझिएकाे छ । उनले शुक्रबार र शनिबार परराष्ट्रमन्त्री शिशिर खनाल र अर्थमन्त्री डा. स्वर्णिम वाग्लेसँग द्विपक्षीय भेटवार्ता गर्ने कार्यक्रम रहेको छ ।
