निर्वाचन मिति नजिकिंदै गर्दा राष्ट्रपति जो बाईडनले केहि समयका लागि अबैध रुपमा स्थलमार्ग हुँदै अमेरिका प्रबेश गर्नेहरुका लागि शरण दिन अयोग्य हुने आदेशमा मंगलबार हस्ताक्षर गरेका छन । बुधबार बिहानबाट लागु हुनेगरी गरिएको आदेशमा दक्षिण सीमाबाट वा स्थलमार्गबाट अमेरिका प्रबेश गरेमा अब त्यस्ता व्यक्तिलाई अमेरिकामा शरण दिनेछैन भनिएको छ । यसको मतलव यो अवधिका अमेरिका प्रवेश गरेमा अबैध ठहर गरी जताबाट आएको हो उतै फर्काउने वा डिपोर्ट गर्ने उल्लेख छ ।
केहि खतरा हुनसक्ने वेचविखनमा परेका जस्ता वर्गको हकमा यो कानुन लागु नहुने स्पष्ट उल्लेख छ ।
राष्ट्रपति बाईडेनको समयमा अमेरिकामा मेक्सिको सीमाबाट ईतिहासकै धेरै अबैध मानिसहरु अमेरिका पसेको तथ्यांकहरुले बताएको छ । जसका कारण चुनावकाबेला बाईडेनको मत घट्दो रहेको विभिन्न सर्वेक्षणहरुले उल्लेख गरेको छ । तर स्मरणीय के छ भने डेमोक्र्याट राष्ट्रपतिबाट जारी गरिएको यो आदेश सबैभन्दा कडा मानिन्छ । विगतमा डोनाल्ड ट्रम्प प्रशासनले पनि यस्तै प्रकृतिको आदेश जारी गर्दा अदालतबाट बदर गरिएको थियो ।
