व्यवस्थापन तथा श्रोतसम्बन्धी अमेरिकी उपविदेशमन्त्री रिचार्ड वर्माको नेपाल भ्रमण सफल रहेको नेपाल स्थित अमेरिकी दुतावासले जनाएको छ । उपविदेशमन्त्री रिचार्डले प्रधानमन्त्री के। पी। शर्मा ओली र परराष्ट्रमन्त्री आरजु राणा देउवासँग नेपालीहरुका लागि उज्जवल, दिगो र समावेशी भविष्य निर्माण गर्ने योजनाका लागि अमेरिकी सहयोग र अमेरिका–नेपाल साझेदारीबारे कुराकानी गर्नुभयो।
यसै क्रममा उपविदेशमन्त्री वर्माले नेपाली सेनालाई विपद् प्रतिकार्य प्रयासमा सहयोग गर्न थप नयाँ हेलिकप्टर खरिदका लागि अमेरिका सहयोग गर्न सहमत भएको दुतावासले जानएको छ । यसै गरी उहाँले एमसीसी नेपाल कम्प्याक्टको उपलब्धिको बारेमा कुरा गर्न अधिकारीहरूसँग पनि भेट गर्नुभएको बताइएको छ । युएसएआइडी नेपालको साझेदार नेपाल टि कलेक्टिभ टोलीसँग ठमेलमा स्वादिष्ट चिया पिउनुका साथै महिला उद्यमीहरूसँग पनि कुराकानी गर्नुभयो।
उपविदेशमन्त्री रिचार्डको दुई दिनेभ्रमणका क्रममा विभिन्न सरकारी तथा गैरसरकारी प्रतिनिधिहरुसंग भेट गरेका थिए ।
