फिल्म बनाउने नाममा अमेरिका लैजान्छु भन्दै ठगी गरेको आरोपमा फिल्म ‘तेल भिसा’का निर्माता तथा निर्देशकमाथि प्रहरीमा उजुरी परेको समाचार छ । लामो समयदेखि अमेरिकामा रहँदै आएका निर्माता तथा निर्देशक शंकर घिमिरे र ऋचा घिमिरेले फिल्म सुटिड गर्ने नाममा नक्कली कलाकार बनाएर अमेरिका लैजान्छु भन्दै ठगी गरेको दाबीसहित प्रहरी परिसर काठमार्डौ उजुरी परेको बताइएको छ ।
जिल्ला प्रहरी परिसर काठमाडौंका एसपी नवराज अधिकारीले उनिहरुको विषयमा उजुरी परेको पुष्टि गरेका छन । उजूरी माथी छानवीन प्रक्रिया शुरु भएको छ । लामो समयदेखि अमेरिकामा बस्दै आएका शंकर र ऋचा श्रीमान श्रीमति हुन । फिल्म ‘तेल भिसा’ प्रदर्शनको लागि भन्दै उनीहरु दुवै जना काठमाडौंमा नै रहेको बताइएको छ ।
यो फिल्मको छायांकन पनि अमेरिकामा गरिएको थियो । कथावस्तु पनि अमेरिकास्थित नेपाली समुदायको कथामा आधारित छ । ऋचा र शंकर दुवै नेपाली फिल्म क्षेत्रका चर्चित कलाकार तथा निर्देशक हुन् । विगतमा पनि फिल्म सुटिड गर्ने नाममा कलाकारहरुलाई विदेश लगेर छोड्ने पुरानो चलनै हो । स्मरणीय रहोस यो घटनामा के भएको हो सत्य तथ्य बाहिर आउला नै अहिले नै यसै भन्न सकिन्न । छानवीनले सबै कुरा बाहिर ल्याउने नै छ । ‘तेल भिसा’ फिल्म प्रदर्शन मंसिर ७ गते हुने जनाइएको छ ।
