ढिला गरी निमन्त्रणा आएपछि परराष्ट्रमन्त्री आरजु राणा देउवा १३ मंसिरमा बेइजिङ जाने भएकी छिन् । परराष्ट्र स्रोतका अनुसार समकक्षी वाङ यी को निमन्त्रणमा उनी चीनको राजधानी उड्न लागेकी हुन् । प्रधानमन्त्री केपी शर्मा ओलीले मंसिर तेस्रो साता गर्ने चीन भ्रमणको तयारीका लागि राणा बेइजिङ जान लागेकी हुन् ।
पहिले प्रधानमन्त्रि ओली भारत भन्दा पहिले चिन भ्रमणमा जान लागेका हुन । राणाले मंगलबार परराष्ट्र मन्त्रालयमा सचिव लगायत विभिन्न कर्मचारीलाई बोलाएर भ्रमण तयारीका लागि छलफल गरेकी थिइन् । त्यसअघि उनले सोमबार चिनियाँ राजदूत चेन सोङसँग मन्त्रालयमा छलफल गरेकी थिइन् ।
प्रधानमन्त्रि ओली पहिले भारत गएर चिन भ्रमणा गर्न चाहेका थिए तर भारतबाट औपचारिक रुपमा बोलाउन ढिलाई गरेपछि चिन भ्रमण तय भएको हो । भराती पक्ष प्रधानमन्त्रि केपी ओलीसंग चुच्चो नक्सा अंकित नोट चिनमा छपाई गर्न लागेको लगायत विषयमा भारतीय पक्ष असन्तुष्ट रहेको बताइएको छ ।
सरकारको सय दिन कूटनीतिक सन्तुलन र सम्बन्धका दृष्टिले औसत रहेको बताइएको छ । दुई ठूला दल मिलेर नयाँ सरकार गठनपछि कूटनीतिक क्षेत्रले गति लिने अपेक्षा गरिएको थियो । यसबीच कूटनीतिक भेटघाट र भ्रमणले तीव्रता पनि पाए । तर उपलब्धिका हिसाबले परिमाणमुखी हुन सकेन । यस अवधिमा नयाँ सरकारप्रति न दक्षिणको छिमेकी भारत खुसी देखियो, न त उत्तरी छिमेकी चीन नै उत्साहित । कूटनीतिक मामिलाका जानकारका अनुसार प्रधानमन्त्री केपी शर्मा ओली नेतृत्वमा सरकार बनेकोमा भारत धेरै खुसी देखिँदैन भने चीन माओवादीसँग एमालेको सम्बन्ध टुटेकोमा चिन्तित छ । ओलीले सरकारको नेतृत्व गरेको सय दिन पुग्दासमेत भारत भ्रमणको औपचारिक निम्तो नआउनुले पनि यो सरकारप्रति दिल्लीको दृष्टिकोण प्रस्ट हुने उनीहरूको भनाइ छ ।
नेपाल राष्ट्र बैंकले चुच्चे नक्सा अंकित १०० रुपैयाँ दरको नयाँ नोट छाप्ने जिम्मा चिनियाँ कम्पनीलाई दिएको छ । संविधान संशोधन गरेर चुच्चे नक्सा जारी भएपछि चुच्चे नक्सा अंकित गरेर पहिलो पटक नयाँ नोट छाप्न लागिएको हो । नेपाल सरकार मन्त्रिपरिषद्ले गत वैशाखमा नेपाल राष्ट्र बैंकलाई १०० रुपैयाँ दरको नोटको डिजाइन परिर्वतन गर्ने स्वीकृति दिएको थियो । ७ जेठ २०७७ मा संविधान संशोधन मार्फत नेपालले लिम्पियाधुरा, लिपुलेक र कालापानी समेत समेटेर नेपालको नयाँ नक्सा जारी गरेको थियो । १०० रुपैयाँ दरको नेपाली नोटमा नेपालको नक्सा अंकित भएकोले डिजाइन संविधान संशोधनसँगै १०० रुपैयाँ दरको नोटको डिजाइन पनि परिवर्तन गर्नुपर्ने भएको थियो ।
