युवा मामिलासम्बन्धी अमेरिकी विशेष दूत एबी फिनकेनाउर नेपाल भ्रमणमा आउनु भएको छ । अमेरिकी दुतावास काठमाडौंले उनको नेपाल भ्रमणको पुष्टि गर्दै नेपालमा स्वागत भनिएको छ । एबीको नेपाल भ्रमणको उदेश्य युवाहरूको आवाजलाई प्रबल बनाउनु र उनीहरूसँग अर्थपूर्ण सम्बन्धहरू स्थापना गर्नु हो जसले लोकतन्त्रको प्रवर्धन र प्रगतिको लागि मार्ग प्रशस्त गर्नेछ अमेरिकी दुतावासद्धारा जारी विज्ञप्तिमा उल्लेख छ ।
विशेष दूत फिनकेनाउरले नेपाल भ्रमणको क्रममा नेपाली युवा नेतृत्वकर्तासँग भेटघाट गर्ने र लोकतन्त्र र नागरिक संलग्नता प्रवर्द्धन गर्ने युवा केन्द्रित कार्यक्रमहरूमा सहभागि हुनु हुनेछ। उहाँको यो भ्रमणले अन्तर्राष्ट्रिय सम्बन्धहरूलाई प्रगाढ बनाउनका साथै युवाहरूलाई लोकतान्त्रिक भविष्य र समृद्ध नेपाल निर्माणका लागि मद्दत गर्न सहयोग गर्ने जनाइएको छ । उनी आईवाको पहिलो डिष्ट्रिकबाट सन २०१९ देखि २०२१ सम्म डेमोक्र्याट पार्टीबाट कंग्रेसम्यान भएकी थिइन ।
