नेपालको पछिल्लो राजनीतिक अस्थिरता र विविध कारण युवा मात्रै होईन विशिष्ठ व्यत्तिःहरु पनि पलायन हुन थालेका छन । पछिल्लो समय नेपाल कृषि अनुसन्धान परिषदका ७ बैज्ञानिकसहित ११ कर्मचारी सम्पर्कविहीन भएको सुचना निकालिएका छ । समाचार श्रोतका अनुसार उनिहरु केहि अध्धयन विदामा गएका र केहि सेमिनारमा विदेश गरए उतै लुकेको दावी छ । यदपि पुष्टि भएको छैन । नार्कका एक कर्मचारीले भने उनिहरु सबै विदेशमा सेटल भैसके के को हाजिर हुन आउनु ? सुचनामा उल्ल्े गरिए अनुसार सबै मानिस अध्धयन बिदामा गएको उल्लेख छ तर को कहाँ गएका हुन त्यो प्रष्ट छैन । अध्ययन बिदामा बसेका ७ जना वैज्ञानिक सहित ११ कर्मचारी बिदा सकिएपश्चात हाजिर हुन आउनुपर्नेमा सम्पर्कविहीन रहेको नार्कले सूचना जारी गरी जानकारी दिएको छ।
वैज्ञानिकहरू अच्युत मिश्र २०७४ भदौदेखि, नवीनकुमार दंगाल २०७६ भदौदेखि, होमन रेग्मी २०७३ माघदेखि, देवराज चालिसे २०७३ चैतदेखि, प्रतिष्ठा अधिकारी २०७४ मंसिरदेखि, दिनेशबाबु थापा मगर २०७५ साउनदेखि र संजिव गौतम २०७५ भदौदेखि सम्पर्कविहीन छन्।
त्यस्तै अन्य कर्मचारीहरू सुमन कार्की, उज्ज्वल सुवेदी, अतित पराजुली र अस्मिता श्रेष्ठ पनि विभिन्न मितिदेखि बिदामा रही सम्पर्कविहीन रहेको नार्कले जनाएको छ। उनीहरु अध्ययन बिदा स्वीकृत गराई कबुलियतनामा गरी अध्ययनमा गएको तर बिदापश्चात हाजिर हुन आउनुपर्नेमा आ(आफ्नो पदबाट राजीनामा पेस गरेको नार्कले जनाएको छ। नार्कले उनीहरूलाई कर्मचारी प्रशासन विनियम २०४९ को विनियम ४, २को कसुरमा नोकरी टुटेको सम्झी सेवाबाट किन अलग नगर्ने भनेर स्पष्टीकरण सोधेको छ।
नार्कले सेवाबाट नहटाउनुपर्ने कुनै कारण र प्रमाण भए सात दिनभित्र आफै उपस्थित भई स्पष्टीकरण बुझाउन ती कर्मचारीहरूलाई आग्रह गरेको छ।
