अमेरिकी राष्ट्रपति डोनाल्ड ट्रम्पले इरानले कतारमाथि आक्रमण जारी राखेमा उसको सबैभन्दा ठूलो ग्यास क्षेत्रलाई पूर्ण ध्वस्त पार्ने चेतावनी दिएका छन्। ट्रम्पले सामाजिक सञ्जालमा लेख्दै भनेका छन्, “मध्यपूर्वमा विकसित घटनाक्रमबाट आक्रोशित भई इजरायलले इरानको ‘साउथ पार्स’ ग्यास क्षेत्रमा हिंसात्मक आक्रमण गरेको छ। उक्त आक्रमणबारे अमेरिकालाई कुनै पूर्वजानकारी नभएको र कतारसमेत यस विषयमा अनभिज्ञ रहेको उनले दाबी गरे।
दुर्भाग्यवश, इरानलाई यी तथ्यहरू थाहा थिएन र उसले अनुचित रूपमा कतारको एलएनजी ग्यास केन्द्रको एक हिस्सामा आक्रमण गर्यो,” ट्रम्पले उल्लेख गरेका छन्।ट्रम्पका अनुसार इजरायलले अब उक्त ग्यास क्षेत्रमा पुनस् आक्रमण गर्ने छैन। तर, यदि इरानले फेरि कतारमाथि आक्रमण गरेमा अमेरिकाले आफ्नो पूर्ण शक्ति लगाएर साउथ पार्स ग्यास क्षेत्रलाई नै नामेट पारिदिने चेतावनी उनले दिएका हुन्।
यसअघि, इरानको ‘इस्लामिक रिभोल्युसनरी गार्ड कोर्प्स’ले अमेरिका र इजरायलले आफ्ना तेल तथा ग्यास संरचनाहरू, विशेष गरी साउथ पार्स ग्यास क्षेत्रलाई निशाना बनाएको आरोप लगाएको थियो। पछिल्लो समय राष्ट्रपति ट्रम्पले ईरान लडाईका लागि पेन्टागनलाई २ अब डलर माग गरेको बताइएको छ ।
