यतिखेर अमेरिकी विश्वधिालयहरुमा इजरायलले प्यालेस्टाइनको गाजा क्षेत्रमा गरेको आक्रमणको विरोधमा आन्दोलन चर्किएका छन । इजरायललाई दिएको सहयोग रोकेर प्यालेस्टाइनका नागकिको जीउ ज्यानको रक्षा गर्न भन्दौ आन्दोलनले उग्र रुप लिदै गएको छ । अमेरिकाका विश्वविद्यालयहरुमा प्यालेस्टाइनको पक्षमा प्रदर्शन चर्किंदै गएपछि कपतिपय विश्वविधालयमा अनलाईन कक्षा शुरु गरिएका छन भने कतिपय स्थानमा परिक्षाहरु रघ भएका छन । प्रदर्शनमा सहभागीहरुमध्ये ३ सय भन्दा बढी विधार्थी पक्राउ परेका छन् । केही विश्वविद्यालयहरुमा तोडफोड र प्रहरीसँग झडपसमेत भएको छ । केहि स्थानमा पक्राउ गरिएका व्यक्तिहरु गैर विधार्थी भएको खुलेको छ । प्रहरीले त्यस विषयमा अनुसन्धान गरिहेको बताइएको छ ।
समाचार एजेन्सीहरुका अनुसार क्यालिफोर्निया युनिभर्सिटीमा १५ जना घाइतेसमेत भएका छन् । अमेरिकाका दजनौ कलेजहरुमा भएको आन्दोलनको विषयमा राष्ट्रपति जो बाईडनले समेत सम्बोधन गरेर संमयमित हुन आग्रह गरिएको छ । अन्य कलेजमा भन्दा नर्थक्यारोलिनाको च्यापलहिल कलेजमा भने फरक ढंगले आन्दोलन भएका छन । आन्दोलनकारीहरुले प्यालेस्टनीहरुको सुरक्षाको विषयमा प्रदशन गरे पनि जब आन्दोलनकारीले कलेज कम्पाउण्डमा रहेको अमेरिकी झण्डा झिकेर प्यालेस्टाइनको झण्डा राखेपछि विधार्थीहरुले हटाएको झण्डा राखेर प्रतिकार शुरु गरेपछि आन्दोलन तुहिएको छ । आन्दोलनकारी विधार्थीले अमेरिकन झण्डा निकाले पछि संभावित दोहोरो झडप सुरक्षाकर्मीले रोकेका थिए । विधार्थीहरुले अमेरिकी हटाउन थालेपछि अमेरिकी विधार्थीहरु काउण्टर प्रतिरोधमा उत्रिएका थिए । जसका कारण च्यापलहिलमा आन्दोलन सकिएको छ । सो कलेजका प्रमुखले आन्दोलनमा सहभागी विधार्थीलाई निस्कासन गर्नेसम्मको कारबाही गरेका थिए ।
न्युयोर्कका मेयर एरिक एडम्सका अनुसार कोलम्बिया युनिभर्सिटीले निवेदन दिएपछि त्यहाँ बस्दै आएका विद्यार्थीहरुविरुद्ध अभियान चलाएको र गिरफ्तार गरिएको जनाएका छन् । आन्दोलनका कारण सयौ विधार्थीहरु निस्कासनमा परेका छन भने कयौ डिर्पोट हुने संभावना रहेको बताइएको छ । युनिभर्सिटीभित्र बसेर प्यालेस्टाइन समर्थकहरुले शान्तिपूर्ण प्रदर्शन गर्दै आएका थिए तर त्यो प्रदर्शनमा घुसपैठ भएको भन्दै प्रहरीले कारबाही अभियान चलाएको हो । जहाँ सयौ व्यक्तिहरु गैरविधार्थी भेटिएका छन ।
न्युयोर्कका मेयरले शहरका अन्य स्थानको सुरक्षालाई पनि ध्यान दिँदै प्रहरीले कारबाही अभियान चलाउने बताएका छन् । शान्तिपूर्ण प्रदर्शन गर्ने अधिकार भए पनि हुलहुज्जत, तोडफोड र शान्ति सुव्यवस्थालाई खलल पार्न नहुने उनको भनाइ छ । विद्यार्थीहरुले न्युयोर्क, टेक्सस, कोलम्बिया, जर्जवाशिङ्गटन, इन्डियाना युनिभर्सिटी अफ पेन्सेल्भेनिया लगायतका स्थानमा प्रदर्शन गर्दै आएका छन् । जर्ज वाशिङ्गटन र च्यापलहिल युनिभर्सिटीमा विद्यार्थीहरुले गरेको प्रतिरोध प्रदर्शनमा समर्थन जनाउन रिपब्लिकन सिनेट र सांसदहरुसमेत पुगेका थिए । थिए । प्यालेस्टाइनको पक्षमा अमेरिकासँगै इजिप्टको कायरो, फ्रान्सको पेरिस, अष्ट्रेलियाको सिड्नी लगायतका स्थानमा पनि प्रदर्शन हुँदै आएको छ । आन्दोलनमा सहभागी भएको प्रमाण्का आधारमा सयौ अन्तराष्ट्रिय विधार्थीहरु निस्कारसंगै डिर्पोटसमेत भएको बताइएको छ । अमेरिकी भण्डा पुर्नस्थापना गर्न सहयोग गरेको भन्दै उनिहरुलाई मद्दत गर्न खोलिएको गोफण्डमा एक दिनमा ३ लाख डलर जम्मा भएको छ । सो अमेरिकी झण्डा पुर्नथापना गर्ने आन्दोलनमा अमेरिकी अलवा भारतीय, नेपाली, फिलीपिनो तथा अन्य एसियन मुलका विधार्थीहरु रहेका थिए । जसमा नर्थ क्यारोलिनाका सिनेटर टेड बुडले समर्थन जनाएका थिए । अन्य केहि अन्तर्राष्ट्रिय विधार्थीको बाहुल्यता भएकोबाहेक कलेजहरुमा पनि प्रतिरोध गर्न शुरु भएको बताइएको छ ।
