अष्ट्रेलिया सरकारले अन्तर्राष्ट्रिय विधार्थीलाई कडाई गर्ने क्रममा कलेजमा दिएको होमवर्क किनेको आरोपमा एक नेपाली विधार्थीलाई एयरपोर्टबाटै डिर्पोट गरेकोे समाचार छ । तिहारमा नेपाल गएर फर्केका ति नेपाली विधार्थी अष्ट्रेलियाको पर्थ एयरपोर्टबाट यहि नोभेम्बर ९ तारिकका दिन फिर्ता गरिएको पुष्टि भएको छ । मास्टर अध्ययन गरिरहेका विधार्थी तिहारमा विदामा नेपालबाट अष्ट्रेलिया फर्किने क्रममा ती विधार्थीको मोवाईल जाँच गर्दा उनले कलेजमा दिइएको एसाईन्मेन्ट (होमवर्क) किनेर गर्ने गरेको प्रमाणित भएको बताइएको छ । दुई पटक गरेर ति विधार्थीले २ सय ७० र ९० अष्ट्रेलियन डलर तिरेर होमवर्क किनेकोे प्रमाणित भएको हो ।

असाइनमेन्टहरू पूरा गर्न तेस्रो–पक्ष सेवाहरू, प्रायः अनलाइनबाट निश्चित रकम तिरेपछि गरिन्छ । यस्ता कार्यहरु विकसित देशहरु अमेरिका, अष्ट्रेलिया, क्यानडा, न्यूल्यिाण्ड, बेलायत जस्ता देशहरुमा शैक्षिक बेइमानीको एक रूप मानिन्छ र कडा रूपमा निषेध गरिएको छ । अस्ट्रेलियाका विश्वविद्यालयहरूले अन्तर्राष्ट्रिय विधार्थीहरुलाई कडाई गरेसंगै निष्कासन गर्न थालेको हो । आफ्नो असाइनमेन्ट गर्न कसैलाई गराउनु शैक्षिक दुव्यवहार मानिन्छ र अनुशासनात्मक कारबाही हुन सक्छ वा असफल ग्रेड, निलम्बन, वा भिसा रद्द गर्ने गरिएको छ ।

अष्ट्रेलियन बोर्डर फोर्सले विधार्थीको भिषा रद्द गरेर डिपोर्ट गरेसंगै ति विधार्थीको डिपेन्डेन्टमा बसेकी यूवतीको पनि भिषा रद्द गरिएको बताइएको छ । बोर्डर फोर्सले ती विधार्थी पढेने नियतका साथ नभई काम गर्न आएको र यसरी पढ्नेहरुबाट राम्रो गुणस्तर विधार्थी उत्पादन नहुने भन्दै डिर्पोट गरिएको उल्लेख छ । पछिल्लो समय अष्ट्रेलिया सरकारले यस्ता होम वर्क किनेर कलेज पढ्नेहरुलाई पछिल्लो बर्षहरुका डिर्पोट गर्ने क्रम बढेको छ । एक तथ्यांक अनुसार त्यसरी एक बर्षको बीचमा अष्ट्रेलिया सरकारले ९ हजार ५ सय विधार्थीलाई डिर्पोट गरिएको छ । अष्टेलियामा ईमिग्रेसन वकिल टोनु घोतानेका अनुसार यो यसरी होम वर्क किन्ने विधार्थीहरुलाई खोजी खोजी डिर्पोट गरिएको बताएका छन । त्यसरी होमवर्क चोरेर कलेज पढ्नेहरु वास्तविक विधार्थी नभएको निस्कर्ष निकाल्दै डिपोर्ट गर्ने गएिकोले त्यसका चनाखो हुनुपर्ने बताउँछन । अमेरिका, क्यानडा, बेलायत लगायत अन्य देशहरुमा पनि त्यसरी होमवर्क कपि वा चोरेको पाइएमा विधार्थीलाई कलेजबाट निस्कासनदेखि डिपोर्टसम्मको कारबाही हुने गरेको छ ।