अमेरिकामा अध्ययन गर्ने नेपाली विद्यार्थीहरूको संख्या अहिलेसम्मकै उच्च विन्दुमा पुगेको छ । गत वर्षको तुलनामा १० दशमलव ९५ प्रतिशत वृद्धि भई हाल १६ हजार ७ सय ४२ नेपाली विद्यार्थीहरूले अमेरिकी विश्वविद्यालयहरूका अध्ययन गरिरहेका छन । नेपाली विद्यार्थीहरू हाल अमेरिकी विश्वविद्यालयहरूमा अध्ययन गर्ने अन्तर्राष्ट्रिय विद्यार्थीहरूको १०औं ठूलो समूह बनेको हो । संसारभरबाट १ दशमलव १ मिलियनभन्दा बढी विद्यार्थीहरूलाई स्वागत गर्दै २०२३ र २४ शैक्षिक वर्षमा अमेरिका अन्तर्राष्ट्रिय शिक्षाका लागि शीर्ष गन्तव्य बनेको छ।
विश्व बजारमा अन्तर्राष्ट्रिय विधार्थीहरु जाने देशहरु अमेरिका, क्यानडा, बेलायत र अष्ट्रेलिया नै हुन । विश्वभर चलायमान हुने विधार्थीहरुको ८० प्रतिशत यी देशले किफायत गर्दछ । विश्व अर्थतन्त्रमा दोश्रो स्थानमा रहेको चिन भए पनि अन्तर्राष्ट्रिय विधार्थी कम हुन्छन । एउटा देशमा कडाई हुनासाथ यी विधार्थीहरु अर्को देशमा जाने तयारी गर्दछन । यहि लयमा यतिखेर अष्ट्रेलिया, बेलायत र क्यानडाले कडाई गरेपछि त्यो लय अमेरिकी बजारका खनिएको छ । पछिल्लो तथ्यांक हेर्ने हो भने विगत तीन महिनामा अमेरिका आउने विधार्थीको सख्यामा व्यापक बदलाव देखिएको छ । त्यसको ताजा असर हो अन्य देशमा कडाई गरे पनि विधार्थीका लागि अमेरिकी नीतिमा कुनै परिवर्तन भएको छैन । त्यसैले प्रमुख विधार्थी बजारको रुपमा रहेको एसियनहरु अमेरिकी गन्तव्य छान्न थालेका छन । प्रायजसो विधार्थीहरुले अमेरिकी विधार्थी भिषा सजिलो नहुने भन्दै अन्य गन्तव्य छान्ने गर्दथे तर यतिखेर अमेरिकी भिषा स्वीकृती दर निकै बढेपछि विधार्थीहरु अमेरिका छान्न थालेका हुन । यसको मतलव अमेरिकी बजारमा पनि विधार्थीहरुका लागि भने त्यहि सहज छैन । काम पाउन र आफ्नो दैनिकी धान्न कठिन बन्दै गएको छ ।
संसारमै सबैभन्दा धेरै अन्तर्राष्ट्रिय विधार्थी अध्ययनको लागि आउने देश अमेरिका पहिलो देश हो । जहाँ विश्वभरीबाट बर्षमा साँढे १० लाख अर्थात ९१० लाख ५७ हजार १ सय ८८, सन २०२३ को तथ्यांक० विधार्थी अध्ययनका लागि आएका थिए । जसबाट अमेरिकालाई बार्षिक रुपमा ४० दशमलव १ विलियन डलर भित्रियो । एसोसियसन अफ ईन्टरनेसनल इजुकेटर्स नाप्सा नामक संस्थाको अनुसन्धानमा आधारित एक तथ्यांक अनुसार अन्तर्राष्ट्रिय विधार्थीका कारण मात्रै ३ लाख ६६ हजार अमेरिकनले नयाँ रोजगारी पाउँछन । हरेक ३ जना अन्तर्राष्ट्रिय विधार्थी अमेरिका पढ्न आउँदा एक जनाले नयाँ जागिर पाउने उल्लेख छ । विश्वका २ सय २७ देश वा कन्टीनेन्टबाट अमेरिका अध्ययनका लागि विधार्थीहरु आउने गरेका छन । जसमा ७० प्रतिशत एसियाबाट रहेको अनुसन्धानमा उल्लेख छ ।
