अमेरिकी राष्ट्रपति डोनाल्ड ट्रम्पको २ सय ५० दिनभन्दा कम अवधिमा करिब १६ लाख अवैध आप्रवासीहरूले स्वेच्छाले अमेरिका छोडेको तथ्यांक सार्वजनिक भएको छ । जबकि ४ लाखलाई संघीय कानून कार्यान्वयन निकायद्वारा निष्कासित गरिएको छ, यो हप्ता अमेरिकी आन्तरिक सुरक्षा विभागले जानकारी दिएको फक्स समाचारले जनाएको हो । विभागले यस अवस्थालाई “नयाँ उपलब्धि”को रूपमा वर्णन गरेको छ ।
“ट्रम्प प्रशासन ऐतिहासिक रेकर्ड तोड्ने गतिमा अघि बढिरहेको छ र राष्ट्रपति डोनाल्ड ट्रम्पले पुनः पदभार सम्हालेपछि पहिलो वर्षको अन्त्यसम्ममा झन्डै ६ लाख अवैध आप्रवासीहरूलाई निष्कासन गर्ने तयारीमा छ,” विभागले जनाएको छ। विभागले स्पष्ट पारेको छः खुला सिमाना (ओपन बोर्डर) को युग समाप्त भइसकेको छ । लगातार चार महिना अमेरिकी भन्सार तथा सीमा सुरक्षाले कुनै पनि अवैध आप्रवासीलाई देशभित्र प्रवेश गराएको छैन ।”
सहायक सचिव ट्रिसिया म्याकलफलिनले भनिन्, “राष्ट्रपति ट्रम्पका नीतिहरू र सचिव क्रिस्टी नोएमको नेतृत्व सफल हुँदै गएको छ, जसले अमेरिकी समुदायहरूलाई सुरक्षित बनाउँदै लगेको छ।”
अमेरिकी आप्रवासन तथा भन्सार प्रवर्तनले दिएको जानकारी अनुसार ट्रम्प प्रशासनको समयमा शीर्ष अवैध आप्रवासीहरूलाई समात्नको लागि अनुरोधको सङ्ख्या बाइडेनको चार वर्षको कार्यकालको तुलनामा अत्यधिक रूपमा बढेको छ ।
