सन् २०२२ सम्म २० हजार रहेको नेपालीको संख्या पोचुगलमा त्यसपछि ३ बर्षको बीचमा बढेर ५० हजार बढी पुगेको छ । पछिल्लो एक अध्ययनले पोर्चुगलमा आधिकारिक रूपमा बसोबास गर्ने नेपालीको संख्या ५८ हजार ५ सय ६ देखाएको हो । युरोपेली मुलुक पोर्चुगलमा आप्रवासीहरूको सङ्ख्या निरन्तर बढिरहेको बेला यो तथ्यांक सार्वजनिक भएको हो । आप्रवासन, एकीकरण र शरण एजेन्सी र नोभा विश्वविद्यालयले गरेको एक पछिल्लो अध्ययन अनुसार, पोर्चुगलमा हाल करिब १५ लाख ४३ हजार ६९७ जना विदेशी नागरिकहरूले आधिकारिक रूपमा बसोबास गरिरहेका छन् । यो तथ्यांकले पोर्चुगल आप्रवासीहरूका लागि प्रमुख गन्तव्य बन्दै गएको स्पष्ट पारेको छ । नेपाल सरकारले भने ५० हजार हुन सक्ने अनुमान गरेको पा्ेर्चुगलमा पछिल्ला बर्षहरुमा निकै बढी रहेको जनाएको छ । त्यो संख्यामा कागजात नभएका कति छन समावेस गरिएको छैन । पोचुर्गल पुग्नेहरु प्राय कागजात बनाएर अन्य यूरोपेली मुलुकमा जाने गरेको बताइएको छ ।
द पोर्चुगल समाचारका अनुसार पोर्चुगलमा यो आप्रवासनको नयाँ लहर ५, ७ वर्षअघि सुरु भएको मानिएको छ । समुदायका अनुसार, पोर्चुगलमा भारतीय डायस्पोराको संख्या करिब २ लाख छ। पछिल्ला वर्षहरूमा बंगलादेश, भूटान जस्ता देशहरूबाट पनि आएका छन्, साथै दक्षिण एशियाका विभिन्न भागहरूबाट पनि आएका छन ।
समुदायको तीव्र वृद्धिले गर्दा पछिल्लो जनगणनामा हिन्दू धर्मलाई राष्ट्रिय तथ्यांक संस्थानका फारमहरूमा स्वतन्त्र श्रेणीका रूपमा राखिएको छ र “अन्य धर्म” श्रेणीबाट हटाइएको छ। यही परिवर्तन बौद्ध धर्मका अनुयायीहरूसँग पनि भएको छ, जसले आज पोर्चुगाली समाजमा प्रमुख धर्महरूसँगै स्थान पाएका छन्।
