अमेरिकी राष्ट्रपति डोनाल्ड ट्रम्प प्रशासनले असाइलम (शरण) सम्बन्धी निर्णयहरू रोकिएको, अमेरिकाको युद्ध प्रयासमा सहयोग गरेका अफगानहरूलाई दिने भिसा स्थगित गरिएको भन्दै शंकास्पद मानिएको सबै ग्रीनकार्डहरु छानवीन हुने भएको छ । अमेरिकाभरिका शरण–आवेदकहरूलाई यो निर्णयले झस्काएको समाचार संस्थाहरुले जनाएको छ । यो घटनाबाट उनीहरूलाई अझ गहिरो अनिश्चिततामा धकेलेको जनाइएको छ । जसबाट विभिन्न देशबाट अमेरिकामा आएर शरण मागेका १५ लाख भन्दा बढी मानिसहरु यो निर्णयबाट प्रभावित रहेका थिए । नयाँ नियमहरूले संयुक्त राज्य नागरिकता तथा आप्रवासन सेवाहरूमा रहेका झन्डै १५ लाख लामो समयदेखि रोकिएका असाइलम (शरण) केसहरूमा प्रभाव पार्न सक्छन् । युएससीआईएसले गत मंगलबार जारी गरेको मेमोमा तुरुन्तै सबै विचाराधीन एसाइलम आवेदनहरूको निर्णयमा रोक लगाएका्े जनाएको छ । यसअन्तर्गत विश्वका जुनसुकै देशका नागरिकले अमेरिकामा एसाइलमका लागि दिएको आवेदनको निर्णय रोकिँएका हुन ।
इमिग्रेशन वकिल र अभियन्ताहरू अझै बुझ्न प्रयास गरिरहेका छन् कि ट्रम्प प्रशासनले शरण तथा कानुनी आप्रवासनमा कडा प्रतिबन्ध लगाउने उद्देश्यले ल्याएका नयाँ नीतिहरू कसरी कार्यान्वयन गरिनेछ । व्यापक असर पर्ने ती नीतिगत घोषणा—जसले कानुनी रूपमा अमेरिकामा बस्न सकिने मार्गहरूलाई ठूलो मात्रामा सीमित पार्ने लक्ष्य लिएको देखिन्छ ।
यूएससिआईएसका निर्देशक जोसेफ बी. एड्लोले भनेका छन की एजेन्सीले “हरेक विदेशीलाई सकेसम्म उच्चस्तरसम्म जाँच र स्क्रिनिङ भएको सुनिश्चित नभएसम्म सबै असाइलम (शरण) निर्णयहरू स्थगित गरेको जनाएका छन । यसबाट के बुझिन्छ भने यो प्रक्रिया अझ लामो समय चल्नेछ । यस स्थगनले पहिले नै बढिरहेको शरण–मामिलाको कामको ढिलाईलाई झनै गम्भीर बनाउनेछ ।
जसमा नेपालीहरूको आवेदन पनि प्रभावित भएका छन्। युएससीआईएसमा मात्र ५ हजार र १० हजार आवेदन अध्यागमन अदालतहरूमा विचाराधीन रहेको हुन सक्ने नेपाली कानुन व्यवसायीहरुले बताएका छन ।
मेमोले १९ वटा देशका व्यक्तिहरूका ग्रीन कार्ड र अमेरिकी नागरिकताका आवेदनहरूको निर्णय पनि स्थगित गरेको छ। ती व्यक्तिहरू जुनसुकै मितिमा अमेरिका प्रवेश गरेका भए पनि उनीहरूको आवेदनमा निर्णय रोक्न अनिवार्य गरिएको छ। ती १९ देशमा अफगानिस्तान, म्यानमार, चाड, गणतन्त्र कंगो, इक्वेटोरियल गिनी, इरिट्रिया, हैटी, इरान, लिबिया, सोमालिया, सुडान, यमन, बुरुन्डी, क्युबा, लाओस, सिएरा लियोन, टोगो, तुर्कमेनिस्तान र भेनेजुएला रहेका छन्।
