अमेरिकामा ११ जना भारतीय नागरिकमाथि पसल तथा रेष्टुरेन्टहरूमा नक्कली सशस्त्र डकैती गराइएको योजनामा संलग्न भएको भन्दै पक्राउ गरिएको छ । ग्रीनकार्डका लागि उनिहरुले लुटपाट गरिएको घटना नक्कली भएको पुष्टि भएको भर्जिनिया टाईमले समाचार प्रकासन गरेको छ । अमेरिकी अधिकारीहरूले यी व्यक्तिहरूमाथि भिसा ठगी गर्न षड्यन्त्र गरेको आरोप लगाएका छन्। आरोप लागेका व्यक्तिहरू सबै ११ जना पटेल थरका रहेका छन ।

समाचार अनुसार पटेल रमेश भाई पटेलका सहयोगीहरूले मार्च २०२३ मा म्यासेचुएसमा कम्तीमा छ वटा सुविधा पसल, मदिरा पसल र फास्ट–फुड रेस्टुरेन्टहरूमा नक्कली सशस्त्र डकैतीको योजना बनाएको बताइएको छ । यी नक्कली डकैतीहरूको उद्देश्य आप्रवासन आवेदन गर्दा आफूलाई हिंसात्मक अपराधको पीडित भएको देखाएर ग्रीनकार्ड प्राप्त गर्ने प्रयास गरिएको समाचारमा उल्लेख गरिएको छ ।

अमेरिकामा त्यस्ता निर्दिष्ट अपराधका पीडित बनेका, मानसिक वा शारीरिक क्षति भोगेका र अनुसन्धान वा मुद्दा चलाउने क्रममा कानुन कार्यान्वयन निकायलाई सहयोग गरेका व्यक्तिहरूलाई ग्रीन कार्य दिएर क्षतिपुर्ति दिने चलन रहेको छ । त्यसलाई केहि व्यक्तिहरुले दुरुपयोग गरिएको बताइएको छ ।

आरोपअनुसार नक्कली डकैतीका क्रममा एक व्यक्तिले नक्कली बन्दुक देखाएर पसलका कर्मचारी वा मालिकलाई धम्क्याउँथ्यो, त्यसपछि क्यास रजिस्टरबाट पैसा लिएर भाग्थ्यो। यो सम्पूर्ण घटना पसलको सिसि टिभी क्यामेरामा रेकर्ड हुन्थ्यो। त्यसपछि पसलका कर्मचारी वा मालिकले कम्तीमा पाँच मिनेट वा सोभन्दा बढी समय पर्खेर “डकैत” भाग्न समय दिने र त्यसपछि मात्र प्रहरीलाई फोन गरेर डकैती भएको जानकारी दिने गरिएको उल्लेख छ ।

अनुसन्धानकर्ताहरूका अनुसार कथित “पीडित” बनेका व्यक्तिहरूले यो योजनामा सहभागी हुन रमेश भाई पटेललाई पैसा दिएको उल्लेख छ । बदला स्वरूप उनले पसल मालिकहरूलाई आफ्नो पसल नक्कली डकैतीका लागि प्रयोग गर्न अनुमति दिएबापत रकम दिएको भन्ने आरोप पनि लगाइएको छ।

link

11 Indian Nationals Charged in Alleged Staged Robbery Scheme Linked to Immigration Applications