अमेरिकी विदेश मन्त्रालयको कन्सुलर मामिला विभागले दुईवटा देशको नागरिकता भएका अमेरिकी नागरिकहरूका लागि एक जरुरी सार्वजनिक सूचना भन्दै एक सन्देश सार्वजनिक गरेको छ । जारी सूचना अनुसार बालबालिका लगायत सम्पूर्ण अमेरिकी नागरिकहरूले अमेरिका प्रवेश गर्दा र बाहिरिंदा अनिवार्य रूपमा अमेरिकी राहदानी प्रयोग गर्नुपर्ने कानुनी नियम रहेको स्मरण गराएको छ । दुई देशको दुइ वटा नागरिकता भएका व्यक्तिहरूले आफ्नो विदेशी राहदानी प्रयोग गरेर इलेक्ट्रोनिक ट्राभल अटोराइजेसन अर्थात् इस्टाका लागि आवेदन दिन पाउने छैनन भनिएको छ ।

अमेरिकी होमल्याण्ड सेक्यूरिटीले अमेरिकी नागरिकता भएका दुईदेशीय नागरिकहरूको इस्टा आवेदनहरू नियमित रूपमा अस्वीकृत वा खारेज गर्ने गर्दछ। तसर्थ विदेशमा बसोबास गर्ने र अमेरिका यात्रा गर्ने योजनामा रहेका सम्पूर्ण अमेरिकी नागरिकहरूले आफूसँग वैध अमेरिकी राहदानी भएको सुनिश्चित गर्नुपर्नेछ । अन्यथा अस्वीकृत हुनेछ । यदि कसैको अमेरिकी राहदानीको म्याद सकिएको छ वा सकिन लागेको छ भने यात्रा सुरु गर्नु अगावै त्यसलाई नवीकरण गर्न सोही सुचनामा आग्रह गरिएको छ। सामान्य नियम अनुसार कुनै पनि वैदेशिक यात्रा गर्दा राहदानीको म्याद प्रवेश गरेको मितिबाट कम्तीमा छ महिना बाँकी हुनुपर्दछ। यो अवस्थामा दुवै पासपोर्ट प्रयोग गरिएको अवस्थामा समस्या पर्न सक्ने देखिन्छ ।