भारतमा लोकसभा चुनावको मत परिणाम आउने क्रममा मोदीको कदममा ब्रेक लाग्ने मतपरिणाम प्ररंभिक देखिएको छ । मतगणाना जारी छ। चुनावको मतगणना बिहान सवा ८ बजेदेखि सुरू भएको हो । हालसम्म चार सयभन्दा बढी सिटको परिणाम आइसकेको छ। कुल ५४३ मध्ये सुरत सिटमा भाजपा उम्मेदवार मतगणनाअघि नै निर्विरोध निर्वाचित भइसकेका छन्। हिन्दुस्तान टाइम्सका अनुसार हालसम्म ४ सय ५ सिटको अन्तिम नतिजा आउँदा भाजपा नेतृत्वको एनडिए गठबन्धनले २५९ सिट जितेको छ। त्यस्तै कंग्रेस आई नेतृत्वको इन्डिया गठबन्धनले १८४ सिट जितेको छ।
१५ सिटमा अन्य दलका उम्मेदवार निर्वाचित भएका छन्। मतगणना जारी रहेकोमध्ये ३७ सिटमा एनडिए र ४४ सिटमा इन्डिया गठबन्धनका उम्मेदवारले अग्रता लिएका छन्। ३ सिटमा अन्य दलका उम्मेदवार अगाडि छन्। सन् २०१९ मा ३५२ सिट एनडिए गठबन्धनले जितेको थियो। त्यतिबेला कंग्रेस नेतृत्वको गठबन्धनले ९४ र अन्य विभिन्न दलले ९७ सिट जितेको थियो। भारतीय सन्चार माध्यमहरुको अनुमान पुर्ण रुपमा फेल खाएको छ । चुनावका बेला मोदीले भारतीय मिडियाको भरपुर दुरुपयोग गरैका थिए । जसको परिणाम निर्वाचन मोदीको अनुमान अनुसार मिलेन ।
