डेमोक्रेटिक पार्टीबाट राष्ट्रपतिको उम्मेदवार कमल ह्यारिसले आफ्नो उपराष्ट्रपतिको उम्मेदवारमा टिम वल्जलाई छनोट गरेकी छन् । अमेरिकी सञ्चार माध्यमहरुका अनुसार मिनसोटाका गर्भनर टिम वल्जलाई उपराष्ट्रपतिको उम्मेदवार छनोट गरेकी हुन् । ६० वर्षीय वल्ज मिनसोटाका गर्भनर बन्नुअघि शिक्षक र फुटबल प्रशिक्षक थिए । नेब्रास्कामा जन्मिएका उनी १७ वर्षको उमेरमा आर्मी नेशनल गार्डमा आवद्ध भए । २४ वर्ष सेवा गरेपछि जन्मस्थान फर्किएर विद्यालय शिक्षक बने ।२००६ मा मिनसोटाबाट कंग्रेस सदस्य चुनिए । लगातार १२ वर्ष सांसद रहेका उनले २०१९ र २२ मा मा गर्भनरको चुनाव जिते ।
रिपब्लिकनले उनको चर्को आलोचना गरे पनि वल्ज २०२२ मा फेरि गर्भनरको चुनाव जित्न सफल भए । २०२४ को राष्ट्रपति चुनावमा भने उनी खासै चर्चामा आएका पात्र होइनन् । तर रिपब्लिकन उम्मेदवार डोनाल्ड ट्रम्प र जेडी भान्सबारे गरेको टिप्पणीले उनी एकाएक चर्चामा आएका थिए । हालै मात्र एक कार्यक्रममा उनले ट्रम्पबारे भनेका थिए, उनी असामान्य मानिस हुन्, विचित्र ’ उनले निरन्तर यही शब्द प्रयोग गरेर रिपब्लिकनमाथि धावा बोलेपछि कमला ह्यारिसले पनि उनकै शब्द दोहोर्याउन थालेकी थिइन् ।
वाल्चको चयनले ठुलो सख्यामा डोनाल्ड ट्रम्प पक्षभरलाई प्रभाव पार्न सक्ने भन्दै क्यापिटल हिलमा वाल्जको चयनले व्यापक उत्साह ल्याएको बताइएको छ । किनभने वाल्जलाई प्रगतिशील नीतिहरूको च्याम्पियनको रूपमा हेरिन्छ । संसदमा हुँदा वाल्जले २००७ देखि २०१९ सम्म मिनेसोटाको पहिलो कंग्रेसनल डिस्ट्रिक्टको प्रतिनिधित्व गरेका थिए । सन् २०१६ मा डोनाल्ड ट्रम्पले १५ अंकले जिल्ला जित्दा पनि उनले संसदमा चुनाव जितेका थिए। त्यसले गोरा अमेरिकनहरुले पनि वाल्चको उपस्थितिले राम्रो उम्मेदवार पाएको बताउन थालिएको छ ।
