अमेरिका अवसरको भुमि हो भनेर यसै भनिएको हा्ेईन । तपाईहरुलाई लाग्न सक्दछ की कसरी हो ? त्यहि प्रश्नको जवाफ व्यहारबाटै पाएका एक व्यक्ति हुन सुरज बुढाथोकीले । ति उनै सुरज हुन जसले पुर्वी नेपालको झापास्थित भुटानी शरणार्थी स्टाटसबाट अमेरिका आएर १५ बर्षमा अमेरिकामा सांसद पदमा चुनाव जिते । हो पूर्वी झापाको टिमाईस्थित भुटानी शरणार्थी शिविरबाट पुनर्वासको क्रममा अमेरिका आएका बुढाथोकी अमेरिकाको न्यू हेम्सायर राज्यको तल्लो सभा हिल्सबोरो ४० बाट सदस्य निर्वाचित भएका हुन् ।
उनले आफ्ना प्रतिस्पर्धीलाई ३ सय ५५ मतको अन्तरले जितेका हुन । उनले भनेका छन आफुलाई जित्छु जस्तो लागेकै थिएन तर जनताले जिताए । त्यसैले यो अवसरै अवसरको भुमि हो । जहाँ मिहेनत गर्दा असंभव केहि छैन । डेमोक्रेट पार्टीबाट उम्मेदवार बनेका बुढाथोकीले ८ हजार ८ सय १५ मत ल्याई विजयी भएका हुन । उनका निकटतम् प्रतिस्पर्धी रिपब्लिकन पार्टीका कार्लोस गोञ्जालेजले ८ हजार ४६० मत ल्याएका थिए । उनै बुढाथोकी सन् १९८० मा दक्षिण भुटानको साम्ड्रुपजोंखर जिल्लाको साम्राङमा जन्मिएका सुरज ९ वर्षको उमेरमा शासकीय अत्याचारको शिकार भएर भारत हुँदै नेपालमा शरण लिन पुगेका थिए ।
सूरज दुई पटक अमेरिकन काउन्सिल युवा पोलिटिकल लिडर्सका लागि मनोनीत भएका थिए । उनी म्यानचेस्टर सिटीमा आचरण बोर्ड सदस्यको रूपमा सेवा गर्छन्। सुरजले नर्विच विश्वविद्यालयबाट अन्तर्राष्ट्रिय सम्बन्धमा स्नातकोत्तर गरेका छन् ।
