सामान्य शिष्टाचारमा समेत ध्यान नदिएर देशको प्रतिनिधित्व गर्ने राजदुतहरुलाई सम्बन्धित देशहरुसंगको द्धैत्यसम्बन्धहरु बहुपक्षीय कूटनीति शिष्टाचारदेखि विविध विषयमा प्रशिक्षण शुरु भएको छ । १९ मुलुकका लागि राजदूत नियुक्ति भएकाहरुका लागि गत मंगलबारदेखि परराष्ट्र मामिला अध्ययन प्रतिष्ठान प्रशिक्षण शुरु गरेको छ । प्रशिक्षणमा पूर्वराजदूतहरु विज्ञहरुले कूटनीतिक विषयवस्तुमा स्पष्ट पार्न र सरकारको प्राथमिकता बुझाउन प्रशिक्षण दिने बताइएको छ । प्रशिक्षणमा अष्ट्रेलियाका लागि सिफारिस चित्रलेखा यादव अनुपस्थित रहेको बताईएको छ । विगतमा कहिले हुने वा नहुने यी र यस्ता तालिम केवल औपचारिक मात्रै हुने गरेको सस्हभागीमध्येका एकले बताए । नाम नबाउने सर्तमा राजदुत नियूक्त भएका उनले भने आफै सिक्ने हो, आफै जान्ने हो, के सिकाउनु र यो केबल कर्मकाण्डी मात्रै हो । उनको भनाई थियो “यी र यस्ता तालिक अनिवार्य र यो तालिम नलिनेहरुलाई नियूक्ति नै नदिने गराउने र यस्ता तालिमहरुलाई थप मर्यादित बनाउनुपर्नेछ अन्यथा समयको बरबादी मात्रै हो ।”
“तलिममा कोही मनलाग्दा आउँछन कोही आउँदैनन र कसैले मलाई यो तालिम आवश्यक छैन भन्दै आउँदैनन भन्नसमेत भ्याएका छन यस्ता तालिमको के मतलव ?” उनको प्रतिप्रश्न थियो । तालिममा लोकदर्शन रेग्मी अमेरिका, कृष्णप्रसाद ओली चीन, शंकरप्रसाद शर्मा भारत, चन्द्रकुमार घिमिरे बेलायत, चित्रलेखा यादव अष्ट्रेलिया, नरेशविक्रम ढकाल साउदी अरेबिया, जंगबहादुर चौहान रुस, कपिलमान श्रेष्ठ दक्षिण अफ्रिका, धनप्रसाद पण्डित इजरायल, रामकृष्ण भट्टराई श्रीलंका, सनिल नेपाल स्पेन, शैल रुपाखेती जर्मनी, शिवमाया तुम्बाहाङ्फे दक्षिण कोरिया रहेबका छन । त्यसैगरी रमेशचन्द्र पौडेल कतार, सुम्निमा तुलाधर डेनमार्क, नेत्रप्रसाद तिमल्सिना मलेसिया, प्रकाशमणि पोखरेल पोर्चुगल, रीता धिताल पाकिस्तान र सेवा लम्साल बेल्जियम गरी १९ जना राजदूत सिफारिस भएका छन् । तालिम लगत्तै अग्रिमो आएपछि राजदूतहरु राष्ट्रपतिसँग शपथ लिएर सम्बन्धित देशमा जानेछन ।
