अमेरिकाको तल्लो सदन हाउस अफ रेप्रिजेन्टेटिभ्स प्रतिनिधिसभामा रिपब्लिकन पार्टीले बहुमत ल्याएको छ । पछिल्लो मतपरिणामअनुसार रिपब्लिकन पार्टीले २ सय १८ सिटमा जित हासिल गरेको हो । डेमोक्रेटिक पार्टीले २ सय ५ सिट ल्याएको छ । अझै केहि सिटको परिणाम आउन बाँकी छ । ४ सय ३५ सदस्यीय प्रतिनिधिसभामा बहुमतका लागि २ सय १८ सिट आवश्यक पर्छ ।
मंगलबार भएको मतदानबाट राष्ट्रपतिमा रिपब्लिकन दलका उम्मेदवार डोनाल्ड ट्रम्प राष्ट्रपतिमा विजयी भइसकेका छन् । उनले डेमोक्रेटिक दलकी उम्मेदवार कमला ह्यारिसलाई पराजित गरेका हुन् । कुल ५ सय ३८ मध्ये ३ सय १२ इलेन्टोरल मत प्राप्त गर्दै ट्रम्प ४७ औं राष्ट्रपतिमा निर्वाचित भएका हुन् । ह्यारिसले २ सय २६ इलेक्टोरल मत प्राप्त गरिन् । माथिल्लो सदन सिनेटमा पनि ५२ सिट जितेर रिपब्लिकन दलले बहुमत प्राप्त गरिसकेको छ । यसरी दुवै सदनमा बहुमत भएको लामो समयपछि हो । यस्तो भएको अवस्थामा राष्ट्रपतिलाई कानुुन बनाउन निकै सजिलो हुनेछ । आफ्नै पार्टीले बहुमत ल्याएको बेला राष्टपति हुने थोरै भाग्यमानी राष्ट्रपति हुन्छन ।
