लामो समयदेखि राहादानी नविकरण नभएर विभिन्न समस्या झेल्दै आएका माल्टामा रहेका नेपालीको लागि राहदानी विभाग नेपाल र स्पेनस्थित नेपाली दूतावासको संयोजनमा नोभम्बर ३० देखि ४ तारिकसम्म घुम्ती शिविर हुने भएको छ । एनआरएनए एनसीसी माल्टाको संयोजनमा ३० नोभेम्बरदेखि माल्टामा हुन लागेको पासपोर्ट घुम्ती सेवामा पासपोर्ट नविकरण, वा नयाँ बनाउने हरुले अनलाइन फाराम भरी अपोइन्टमेन्ट लिनु पर्नेछ ।
एनआरएन माल्टाका अध्यक्ष रिम्स खनालका अनुसार डिपाटमेन्ट अफ पासपोर्ट नेपालको बेब साईटमा गएर पासपोर्ट सम्बन्धी जानकारी लिन सकिन्छ । स्पेन स्थित नेपाली दुतावासले जारी गरेको विज्ञप्ति जस्ताको तस्तै तल राखिएको छ । जसमा गएर माल्टावासी नेपालीहरुले सुविधा लिन सक्नेछन ।
त्यसैगरी स्पेनको राजधानी म्याड्रिडमा एक अन्तर्राष्ट्रिय श्रम सम्मेलनमा भाग लिन नेपालबाट आउनु भएका श्रम तथा रोजगार मन्त्री माननीय शरद सिंह भण्डारीसँग विशेषगरी माल्टाका नेपालीहरूको अवस्थाबारे छलफल गरिएको छ। साथै, माल्टा र नेपालबीचको द्विपक्षीय सम्झौता, सामाजिक सुरक्षा कोष, श्रम स्वीकृति लगायत अन्य विषयमा पनि गहन छलफल भएको एनआरएन माल्टाका अध्यक्ष खनालले बताए ।
