उत्तर अमेरिकामा आज नोभम्बर २८ तारिकका दिन थ्यांक्सगिभिङ पर्व मनाईन्छ । आजको दिन पहिलो थ्यांक्सगिभिङ सन् १६२१ मा तीर्थयात्रीहरुले खाएर शुरु गरिएको बताईन्छ । त्यतीबेला अन्न उब्जनी शुरुवात गरेको उत्सवका रुपमा थ्यांक्सगिभिङ डिनर आयोजना गरिएको थियो । अमेरिकी राष्ट्रपति अब्राहम लिंकनले सन् १८६३ देखि थ्यांक्सगिभिङलाई राष्ट्रिय पर्वका रुपमा मनाउने घोषणा गरेका थिए । आजैका दिन अमेरिकामा साँडे ४ करोड टकीहरु मारिन्छन । अमेरिकामा बर्षभरी २ सय १५ मिलियन टर्कीको खपत हुने गरेको छ ।
अमेरिकामा थ्यांक्सगिभिङ डिनरका लागि घरबाट टाढा पुगेका आफन्त तथा छोरा छोरीहरु परिवारसँग बसेर टर्कीका विभिन्न परिकारहरु खाने चलन रहेको छ । नेशनल टर्की फेडेरेशनका अनुशार हरेक बर्ष थ्यांक्सगिभिङ, क्रिममस र इस्टरमा टर्की खाइने चलन रहेको छ । नेशनल टर्की फेडेरेशनको तथ्यांक अनुसार ९५ प्रतिशत अमेरिकनहरुले थ्यांक्सगिभिङमा टर्की खाने गरेको छ ।
