राष्ट्रपतिमा डोनाल्ड ट्रम्पले जितेपछि अमेरिका छिर्ने अबैध आप्रवासीहरुबीच त्रास बढे पनि जनवरी २० मा ट्रम्पले शासन सम्हाल्नुपुर्व अमेरिका छिरिसक्ने भन्दै हजारौ आप्रवासी अमेरिकी सिमानतर्फ अगाडी बढी रहेको समाचार छ । ट्रम्पले अमेरिकामा भएकाहरुलाई पनि डिपोर्ट गर्ने तयारी गरिरहँदा होण्डुरस, ग्वाटेमाला, मेक्सिको, एलसाल्भाडोर, भेनेजुयलालगायत देशहरुबाट हजारौको सख्यामा आप्रवासीहरु अमेरिकी सिमातर्फ अगाडी बढी रहेको जनाएको छ ।
जनवरी २० तारिकमा सत्ता सम्हाले लगत्तै आप्रवासीमाथी निर्मम कडाई गर्न विभिन्न तहमा नियूक्ति गर्दै तयारी भईरहेका बेला आप्रवासीहरु भने त्यो समयावधि भन्दा पहिले अमेरिका छिर्ने भन्दै सिमा नजिक पुगेको अन्तर्राष्ट्रिय सन्चार माध्यमहरुले जनाएको छ । १५ सय, २५ सय वा त्यो भन्दा ठुला वा साना दजर्नौ आप्रवासीका समुहहरु कतै हिडेर त कतै गाडीमा अमेरिका जाने भन्दै अमेरिकी सिमातर्फ अगाडी बढी रहेका छन । ति सन्चार माध्यमहरुले जनाए अनुसार अमेरिकी राष्ट्रपतिमा ट्रम्प निर्वाचित भएयता ठुलो सख्यामा अबैध आप्रवासीहरु अमेरिकी सीमामा शरणका लागि तयारी अवस्थामा रहेको बताएका छन । त्यसरी हिडेर अमेरिकातर्फ आईरहेका आप्रवासीहरुको आखाले देखेसम्म लामो लाईनमा हिडिरहेका छन ।
ति समाचार माध्यमहरुका अनुसार अबको केहि हप्तामा तिनीहरु अमेरिकी सीमामा आई पुग्नेछन । यहि बेला अमेरिकी राष्ट्रपति ट्रम्पले मेक्सिकन राष्ट्रपति क्लाउडिया सनवनमसंग कुरा सीमामा अन्यदेशहरुबाट अमेरिकातर्फ आईरहेका अबैध आप्रवासी रोक्ने विषयमा कुराकानी गरेका छन ।
दुवै पक्षले समारात्मक कुराकानी भएको बताएका छन । संभवत ट्रम्पले आफ्नो कार्यकाल शुरु गरेपछि मेक्सिको र क्यानडाको दुवै बोर्डरलाई कडाई गर्ने गरी दुवै देशका नेतृत्वसंग छलफल जारी राखेका छन । उता बाईडन प्रशासनले भने ट्रम्पले सत्ता सम्हालेपछि हुनसक्ने धरपकडबाट बच्न आप्रवासीलाई सुचित गर्दै आएको छ ।
