“जननी जन्म भुमिस्चः स्वर्गदपि गरियसी” यो संस्कृत भाषाको श्लोकको अर्थ हो जन्मदिने आमा र मातृभुमि स्वर्गभन्दा नी प्यारो हुन्छ । यो शब्द स्वदेशमा बस्ने भन्दा विदेश बसेकाहरुका लागि प्यारो छ । त्यसैले विदेशमा बस्नेहरुले आफुले सकेको सक्दो जन्म दिने बा आमा र मातृभुमिका साथै दिन दुखीहरुका लागि खर्चेका हुन्छन । त्यसको एउटा गतिलो उदाहरण हो हेल्थ फाउण्डेसन नेपाल । जुन संस्था अमेरिका र नेपालमा दर्ता भएर कार्यरत छ । उनिहरुले बाध्यता वा रोजगारीका शिलशिलामा परदेशमा भए पनि नेपालमा रहेका बा आमाको मुहारमा उज्यालो बनाउने अभियान अमेरिकाबाट सन्चालन गर्दै आइरहेका छन ।
नेपालबाट अमेरिका आएका स्वास्थ्य क्षेत्रमा कार्यरत प्रोफसनलहरुको प्रयासमा स्थापित संस्था सन् २०१२ दर्ता गरी नेपालको ग्रामिण क्षेत्र जहाँ स्वास्थ्यको पहँुच बाहिर रहेका आम मानिसहरुलाई स्वास्थ्य सेवा उपलब्ध गराउँदै आएको छ । संस्थाले स्थापनादेखि नै समुदायको स्वास्थ्यमा दाड र चितवनमा आवश्यक पर्दाको अवस्थामा स्थानीय स्वास्थ्य संस्थाहरुसंगको सहकार्यमा पनि काम गर्दै आइरहेको अध्यक्ष श्रीधर पौडेलले खबरमालालाई बताउनु भयो । स्माईल बा, स्माईल आमा कार्यक्रम सन्चालन गरेर नेपालमा आफ्ना सन्तानको आभावमा एक्लो महसुश गरेका बा आमाहरुलाई एक्लोपनबाट जोगाउन र एक्लो हुँदा देखिने अनेक स्वास्थ्य समस्याहरुको पहिचान गर्दै स्वास्थ्य सेवा उपलब्ध गराउँदै आएको डा पौडेलले बताउनु भयो ।
नेपालबाट अध्ययन होस वा रोजगारीका लागि ठुलो युवा समुह विदेशमा रहेकाले गाउँघरमा बा आमाहरु एक्लै बस्न बाध्य छन । बाध्यतावस एक्लो भएका बा आमाहरुलाई एक्लो महसुश गर्दा स्वास्थ्यमा असरहरु देखा पर्दै गएकाले त्यस्ता बा आमाहरुका लागि फाउण्डेसनले एक्लोपन कम गर्ने मानसिक र शारीरिक स्वास्थ्य सेवा दिने गरेको छ । त्यसरी दिइने स्वास्थ्य सेवाले बा आमाको मुहारलाई उज्यालो बनाउन स्माईल बा आमा कार्यक्रम सन्चालन गर्दै आएको अध्यक्ष डा पौडेलले बताउनु भयो । त्यस्तो सेवा चितवनमा ६ सय र दांड जिल्लामा १ हजारभन्दा बढी बा आमाले स्वास्थ्य सुविधा लिई सकेका छन । संस्थाले आवश्यकता महसुश गरेको खण्डमा विधालयहरुमा पनि विधालय स्वास्थ कार्यक्रम पनि गर्ने गरेको छ ।
यी दुई जिल्लामा फाउण्डेसनले घरमै गएर मानसिक रुपमा स्वास्थ्य जाँच गराउने स्वास्थकर्मीले मानसिक रुपमा के कस्तो छ पत्ता लगाउने र आवस्श्यक भएकाहरुलाई थप उपचार गर्ने गर्दै हरेकलाई मानोचिकित्सक सेवा उपलब्ध गराउने गरिएको छ । एक्लोपन कुन वा कस्तो अवस्थामा छ पत्ता लगाएपछि त्यस्तो समस्या देखिएकालाई देखिएका कतिलाई एक्लाएक्लै उपचार गराउने र कतिपय अवस्थामा समुहमा उपचार वा परामर्श दिने गर्दै आएको छ । त्यसरी दिने स्वास्थ्य तथा परामर्श सेवालाई बा आमा क्लव नामाकरण गर्दै सन्चालनमा छ । जसमा डाक्टर र नर्सको साथै स्वास्थ्यकर्मीले निशुल्क सेवा उपलब्ध गराउँदै आएको छ । यसरी सेवा दिने अमेरिकामा कार्यरत हेल्थ प्रोफेसनलहरुको संस्था हेल्थ फाउण्डेसन नेपालको दुईदिने बार्षिक साधारणसभा नर्थ क्यारोलिनाको ग्रीन्सबोरोमा डिसेम्बर ७ र ८ तारिकका दिने हुँदैछ ।
सो कार्यक्रममा आगामी दिनमा गरिने कार्यक्रमहरुको बारेमा छलफल गर्ने र त्यसका लागि सुझाव संकलन तथा आवश्यक अर्थ संकलन गर्ने साथै राष्ट्रिय तथा अन्तारष्ट्रिय क्षेत्रमा ख्याति कमाएका विज्ञहरुको उपस्थितिमा सेमिनार हुनेछ । संस्थाले कहिले काँही अवस्श्यक ठानेमा च्यारिटी डिनर गर्दै फण्ड संकलन गर्दै आएको छ । संस्थामा आवद्ध वा सेवा भावना भएकाहरुबाट उपलब्ध गराइएको सहयोगबाट सस्थाले सन्चालन गर्दै आएको सामाजिक सेवामा आर्थिक सहयोग जुटी रहेको छ । हेल्थ फाउण्डेसन नेपालको अमेरिकाको बार्षिक साधारणसभामा नेपालको सन्र्दभमा नेपालमा कहाँ कसरी थप स्वास्थ्य सेवा पुर्याउन सकिन्छ र त्यसका लागि के कस्ता चुनौति छन भन्ने आम विषयामा देश विदेशका विज्ञ डाक्टरहरुको उपस्थितिमा दुई दिने समेनिार हुन लागेको संस्थामा अध्यक्ष डा पौडेलले जानकारी दिनु भयो ।
