आप्रवासी बाहुल्यता बढ्दै गएको अष्ट्रेलियामा यहि महिनाको अन्तिम दिन अगष्ट ३१ को आप्रवासीबिरुद्ध देशव्यापी प्रर्दशन हुन लागेको छ । जसलाई अष्ट्रेलियन सरकारले सुरक्षा व्यवस्था कडाई गरिएको जनाएको छ । राजधानीलगायत मुख्य शहरहरूमा प्रहरीले अगस्ट ३१ का लागि योजनाबद्ध गरिएको “अष्ट्रेलिया पहिलो” नामक सामूहिक आप्रवासनविरुद्धको दक्षिणपन्थी प्रदर्शनहरूलाई लिएर सतर्कता अपनाएको छ । हालैका दिनहरूमा यो कार्यक्रमको प्रचार गर्दै बनाइएका फ्लायर र भिडियोहरू भिडियोहरु भाइरल भएका छन्, जसले अनलाइनमा मतभेद र बहसहरु निम्त्याएको छ ।
“अष्ट्रेलिया, उठ्ने समय आयो,“ भनी एक फ्लायरमा लेखिएको छ जुन सामाजिक सञ्जालमा व्यापक रूपमा साझा गरिएको छ । सो फ्लायरअनुसार सिड्नी, मेलबर्न, ब्रिसबेन, पर्थ, एडिलेड र क्यानबेरामा र्यालीहरू आयोजना गरिने बताइएको छ । “यो कार्यक्रम हाम्रो संस्कृति, हाम्रो विरासत, हाम्रो जीवनशैलीको संरक्षणका लागि हो, र सामूहिक आप्रवासन अन्त्य गर्ने चाहनासहित आयोजना गरिएको बताइएको छ । अष्ट्रेलिया पहिलो, विदेशी झन्डाहरूलाई अनुमति छैन,” लगायत फ्लायरमा भनिएको छ । फ्लायरले यो अभियानलाई “१०० प्रतिशत स्वाभाविक र जनस्तरबाट सुरु भएको” दाबी गरिएको छ । “यो कार्यक्रम शान्तिपूर्ण हो र घृणा वा हिंसालाई उत्तेजित गर्ने उद्देश्य होइन,” भनिएको छ ।
त्यस्तै अर्को फ्लायरमा लेखिएको छः “हाम्रो देश फिर्ता लिने समय आयो । हाम्रो जीवनशैलीको रक्षा गर्ने समय आयो । हाम्रो संस्कृतिको रक्षा गर्ने समय आयो । सामूहिक आप्रवासन तत्काल रोक्नुहोस् ।” यी कार्यक्रमहरू कसले आयोजना गरिरहेको छ भन्ने कुरा अझै स्पष्ट भइसकेको छैन । “अगस्ट ३१ मा, अष्ट्रेलियाभरि रहेका सबै जातिवादीहरू एउटै ठाउँमा जम्मा गराएर ’मार्च फर अष्ट्रेलिया’ नाममा एउटा राष्ट्रिय प्रदर्शन हुन गइरहेको छ । उनीहरूले यसलाई जीवनयापन खर्चको मुद्दा भनेर दाबी गर्छन्, अष्ट्रेलियालाई फेरि फिर्ता ल्याउने अभियान भनेर दाबी गर्छन् तर अष्ट्रेलियालाई कसबाट फिर्ता लिने भन्ने कुरा कसैलाई भन्ने स्पष्ट छैन । यो आन्दोलन कुनै राजनीतिक शक्तिको आडमा भएको हुन सक्दछ तर अहिले कुर्नै राजनीतिक दलले त्यसमा आफ्नो संलग्ना देखाएका छैनन ।
विश्वभरी नै यतिखेर आप्रवासीमाथी प्रहारहरु बढी रहेको छ । विभिन्न समुह वा राजनीतिक दलहरु आफ्नो चुनावी अभियानलाई प्रचारका रुपमा अभियान बनाई रहेका छन । जसबाट आफ्नो सत्ताको रोटी पाकोस । अमेरिकाबाट शुरु भएको यो आप्रबासीबिरोधी अभियान विश्वभर फैलिनसक्ने राजनीतिक पण्डितहरुले पहिले नै भन्दै आएका हुन ।
