तीन दिवसीय सिड्नी आध्यात्मिक महोत्सव सम्पन्न भएको छ। महोत्सवको अन्तिम  दिन आइतबार बरउड पार्कमा भक्तजनहरू र दाताहरूको बाक्लो उपस्थिति थियो। महोत्सवको क्रममा १ सयभन्दा बढी दाताबाट २५ लाखभन्दा बढी अस्ट्रेलियन डलर संकलन भएको जिएसएनएमसीका अध्यक्ष विष्णु हमालले जानकारी दिए।

तीन दिनसम्म चलेको महोत्सवमा अष्ट्रेलियाका विभिन्न पेसा र व्यवसायमा संलग्न नेपालीहरूले खुलेर योगदान गरेका थिए। संकलित रकमबाट बहुसांस्कृतिक केन्द्रले एक वर्षभित्र जग्गा खरिद गर्ने योजना रहेको आयोजकहरूले बताएका छन्। योसँगै,महोत्सवको अवसरमा एक हजारभन्दा बढीले आजीवन सदस्यता पनि लिएका छन्।  सहयोग संकलन अभियानलाई निरन्तर जारी राखिने बताइएको छ।