बङ्गलादेशको प्रतिष्ठित एसियन युनिभर्सिटी फर वुमनको उपकुलपतिमा प्रा डा सङ्गीता रायमाझी नियुक्त भएकी छन्। चित्तगङस्थित उक्त विश्वविद्यालयमा विभिन्न २० देशका ४ सयभन्दा बढी छात्रा अध्ययनरत छन्। सन् २००९ मा विश्वविद्यालय स्थापनासँगै आबद्ध रहेकी डा रायमाझी पछिल्लो समय प्राज्ञिक संकायकी डिन थिइन्।
“विश्वविद्यालयको अन्तर्राष्ट्रिय बोर्डले मलाई जुलाई १ देखि लागू हुनेगरी उपकुलपतिको जिम्मेवारी दिएको छ,” डा रायमाझीले टेलिफोनमा भनिन्, “सीमान्तकृत र पछाडि पारिएका समुदायका नेपाली छात्राका लागि पनि यहाँ उच्च शिक्षाको अवसर रहेकाले अध्ययन–अध्यापनको नेतृत्व तहमा जोडिन चाहन्थेँ।” त्यहि अनुरुप नियूत्तिः पाए अब काम गर्नेछु । यो मेरो लागि ठुलो अवसर हो ।
विगतमा झन्डै तीन दशक त्रिभुवन विश्वविद्यालय अन्तर्गतको कीर्तिपुर क्याम्पसको अङ्ग्रेजी विभागमा प्राध्यापन गरेकी रायमाझीका अनुसार यो शैक्षिक सत्रमा पनि ४९ जना नेपाली विद्यार्थी विश्वविद्यालयमा अध्ययनरत रहेका छन्।
